കാസര്കോട്: ബേഡഡുക്ക സര്വീസ് സഹകരണ ബാങ്ക് കെട്ടിട ഉദ്ഘാടന ചടങ്ങിനിടെ കുപിതനായി ഇറങ്ങിപ്പോയതല്ലെന്ന് മുഖ്യമന്ത്രി പിണറായി വിജയന്. പിണങ്ങിപ്പോയെന്നത് മാധ്യമസൃഷ്ടിയാണെന്നും തനിക്കുണ്ടായ ബുദ്ധിമുട്ട് സംഘാടകരെ അറിയിക്കുകയായിരുന്നു താന് ചെയ്തതെന്നും അദ്ദേഹം പറഞ്ഞു. പനയാല് സിപിഎം ലോക്കല് കമ്മറ്റി കെട്ടിടത്തിന്റെ ഉദ്ഘാടനവേദിയിലാണ് പിണറായി വിജയന് വിവാദത്തെക്കുറിച്ച് വിശദീകരിച്ചത്.
‘താന് പിണങ്ങിപ്പോവുകയോ ക്ഷുഭിതനാവുകയോ ചെയ്തിട്ടില്ല. എനിക്കുണ്ടായ ബുദ്ധിമുട്ട് പറയുക മാത്രമാണ് ചെയ്തത്. പിണങ്ങിപ്പോയി എന്നത് മാധ്യമ സൃഷ്ടിയാണ്’ മുഖ്യമന്ത്രി കാസര്കോട് പ്രതികരിച്ചു.
കാസര്കോട് ബേഡഡുക്ക ഫാര്മേഴ്സ് സഹകരണ ബാങ്ക് കെട്ടിടം ഉദ്ഘാടന ചടങ്ങില് സംസാരിച്ചു തീരുന്നതിനു മുന്പ് മെമന്റോ കൈമാറാന് അനൗണ്സ്മെന്റ് ചെയ്തപ്പോഴാണ് മുഖ്യമന്ത്രി അതൃപ്തി പരസ്യമായി പ്രകടിപ്പിച്ചത്. കെട്ടിടം ഉദ്ഘാടനം ചെയ്തതായി അറിയിക്കുന്നുവെന്ന് മുഖ്യമന്ത്രി പ്രസംഗത്തിനിടെ പറഞ്ഞിരുന്നു. ഇതിന് ശേഷം തുടര്ന്ന് സംസാരിക്കുന്നതിന് മുന്പ് തന്നെ കെട്ടിട നിര്മ്മാണത്തിന് മേല്നോട്ടം വഹിച്ച എഞ്ചിനീയര്മാരുടെ പേര് പറഞ്ഞുകൊണ്ട് അനൗണ്സ്മെന്റ് ഉയര്ന്നു. ‘ഞാന് സംസാരിച്ച് കഴിഞ്ഞില്ല.. അയാള്ക്ക് ചെവിടും കേള്ക്കില്ലെന്ന് തോന്നുന്നു. ഇതൊന്നും മര്യാദയല്ല’ എന്നു പറഞ്ഞാണ് മുഖ്യമന്ത്രി പിണറായി വിജയന് വേദി വിട്ട് ഇറങ്ങിപ്പോകുകയായിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
