HIGHLIGHTS : From January 1, Kovid negative certificate is mandatory for those coming from 6 countries including China
ചൈനയടക്കം 6 വിദേശ രാജ്യങ്ങളില് നിന്ന് ഇന്ത്യയിലേക്ക് വരുന്നവര്ക്ക് കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കി കേന്ദ്ര സര്ക്കാര് ഉത്തരവിറക്കി. ചൈന, ഹോങ്കോംഗ്, സിംഗപ്പൂര്, ജപ്പാന്, ദക്ഷിണ കൊറിയ, തായ്ലന്റ് എന്നിവടങ്ങളില് നിന്ന് വരുന്നവര് ആര്ടിപിസിആര് പരിശോധനഫലം എയര് സുവിധ പോര്ട്ടലില് അപ്ലോഡ് ചെയ്യണം. ജനുവരി 1 മുതല് ഇത് കര്ശനമായി നടപ്പിലാക്കുമെന്ന് ഉത്തരവില് വ്യക്തമാക്കുന്നു.
കേന്ദ്ര ആരോഗ്യ മന്ത്രി മന്സുഖ് മാണ്ഡവ്യയാണ് ഇക്കാര്യം അറിയിച്ചത്.
ജനുവരി പകുതിയോടെ രാജ്യത്തെ കൊവിഡ് കേസുകളില് വര്ധനയുണ്ടാകുമെന്നും ജാഗ്രത കൂട്ടണമെന്നുമാണ് വിദഗ്ധരുടെ മുന്നറിയിപ്പ്. നിലവില് കൊവിഡ് സ്ഥിരീകരിച്ച അന്താരാഷ്ട്ര യാത്രക്കാരില് ഭൂരിഭാഗം പേര്ക്കും നേരിയ ലക്ഷണങ്ങള് മാത്രമാണുള്ളത്. അതിനാല് കൊവിഡ് കേസുകള് കൂടിയാലും ആശുപത്രിയില് ചികിത്സ തേടുന്നവരുടെ എണ്ണം കുറവായിരിക്കുമെന്നാണ് വിദഗ്ധരുടെ അഭിപ്രായം.
ചൈനയിലും കിഴക്ക് ഏഷ്യന് രാജ്യങ്ങളിലും കോവിഡ് കേസുകള് വര്ധിച്ചുവരുന്ന സാഹചര്യത്തിലാണ് നടപടി.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു