കളമശേരി: കൊച്ചി ശാസ്ത്ര സാങ്കേതിക സര്വകലാശാലയില് ടെക് ഫെസ്റ്റിനിടെയുണ്ടായ തിക്കിലും തിരക്കിലും പെട്ട് നാല് പേര് മരിച്ചു. നിരവധി പേര്ക്ക് പരിക്കേറ്റു. തിക്കിലും തിരക്കിലും പെട്ട് വീണാണ് ഭൂരിഭാഗം പേര്ക്കും പരിക്കേറ്റതെന്നാണ് സ്ഥലത്ത് നിന്ന് ലഭിക്കുന്ന വിവരം. രണ്ട് ദിവസത്തെ ടെക് ഫെസ്റ്റിന്റെ സമാപന ദിവസമായിരുന്നു ഇന്ന്. ടെക് ഫെസ്റ്റിന്റെ ഭാഗമായി പ്രശസ്ത ഗായിക ധ്വനി ബാനുഷലിയുടെ ഗാനമേള നടന്നു കൊണ്ടിരിക്കെയാണ് അപകടം ഉണ്ടായത്.
പരിപാടി നടന്ന ഓഡിറ്റോറിയത്തില് നിരവധി വിദ്യാര്ത്ഥികളുണ്ടായിരുന്നു. നൃത്തം ചെയ്ത് ആഘോഷമായി വിദ്യാര്ത്ഥികളടക്കമുള്ളവര് പരിപാടി ആസ്വദിക്കുന്നതിനിടെ മഴ പെയ്തു. ഇതോടെ ഓഡിറ്റോറിയത്തിന് പുറത്തുണ്ടായിരുന്നവര് അകത്തേക്ക് ഇരച്ചുകയറിയതിനെ തുടര്ന്നാണ് അപകടം ഉണ്ടായത് ലഭിക്കുന്ന വിവരം.
പരിക്കേറ്റവരെ തൊട്ടടുത്ത കളമശേരി മെഡിക്കല് കോളേജ് ആശുപത്രിയിലേക്ക് കൊണ്ടുപോയെങ്കിലും നാല് പേര് മരിച്ചെന്നാണ് ലഭിക്കുന്ന വിവരം. ഗാനമേളക്കായി നിരവധി പേരാണ് ക്യാംപസിലേക്ക് എത്തിയിരുന്നത്. മരിച്ചവരുടെ പേര് വിവരം ലഭ്യമായിട്ടില്ല.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
