പാലക്കാട്: മഹാരാജാസ് കോളേജിന്റെ പേരില് വ്യാജ തൊഴില് പരിചയ സര്ട്ടിഫിക്കറ്റ് തയ്യാറാക്കിയ മുഖ്യപ്രതി കെ വിദ്യ കസ്റ്റഡിയില്. കോഴിക്കോട് നിന്നാണ് പാലക്കാട് അഗളി പൊലീസ് വിദ്യയെ കസ്റ്റഡിയില് എടുത്തിരിക്കുന്നത്.
വിദ്യയെ ഇവിടെ നിന്ന് പാലക്കാടേക്ക് കൊണ്ടുവരും. മേപ്പയൂര്, വടകര മേഖലകളില് വിദ്യക്കായി തെരച്ചില് നടത്തുന്നുണ്ടായിരുന്നു. കേസ് രജിസ്റ്റര് ചെയ്തതിന് പിന്നാലെ ഒളിവില് പോയ വിദ്യയെ 15 ദിവസങ്ങള്ക്ക് ശേഷമാണ് പൊലീസ് അറസ്റ്റ് ചെയ്യുന്നത്.
പാലക്കാട് അഗളി പൊലീസും കാസര്കോട് നീലേശ്വരം പൊലീസും രജിസ്റ്റര് ചെയ്ത കേസുകളില് വിദ്യ സമര്പ്പിച്ച മുന്കൂര് ജാമ്യ ഹര്ജികള് കോടതി പിന്നീട് പരിഗണിക്കാനായി മാറ്റിയിരുന്നു.
മേപ്പയൂരില് സുഹൃത്തിന്റെ വീട്ടിലായിരുന്നു വിദ്യ. ഇവിടെ നിന്ന് ഇറങ്ങി പോകുന്ന സമയത്ത് പൊലീസ് കസ്റ്റഡിയിലെടുത്തുവെന്നാണ് ലഭിക്കുന്ന വിവരം.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
