ജമ്മു കശ്മീരില് വീണ്ടും മിന്നല് പ്രളയം. കത്വ ജില്ലയിലാണ് മേഘവിസ്ഫോടനത്തെ തുടര്ന്ന് മിന്നല് പ്രളയം ഉണ്ടായിരിക്കുന്നത്. നാല് പേര് മരിക്കുകയും ആറ് പേര്ക്ക് പരിക്കേല്ക്കുകയും ചെയ്തതായാണ് റിപ്പോര്ട്ട്.
അതിശക്തമായ മഴയെ തുടര്ന്ന് സംസ്ഥാനത്തെ മൂന്നിടങ്ങളില് മിന്നല് പ്രളയമുണ്ടായി. മാണ്ഡി ജില്ലയിലെ പനാര്സ, തക്കോലി, നാഗ്വെയിന് എന്നിവിടങ്ങളിലാണ് മിന്നല് പ്രളയം നാശം വിതച്ചത്. മിന്നല് പ്രളയത്തില് ചണ്ഡിഗഡ്-മണാലി ദേശീയപാതയില് ഗതാഗതം തടസ്സപ്പെട്ടു. രക്ഷാപ്രവര്ത്തനങ്ങള് പുരോഗമിക്കുകയാണെന്ന് അധികൃതര് അറിയിച്ചു.
വരും ദിവസങ്ങളിലും പ്രദേശത്ത് കനത്ത മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ജനങ്ങള് അതീവ ജാഗ്രത പാലിക്കണമെന്ന് അധികൃതര് നിര്ദേശം നല്കിയിട്ടുണ്ട്. നദി തീരങ്ങളിലേക്കും മണ്ണിടിച്ചിലിന് സാധ്യതയുളള സ്ഥലങ്ങളിലേക്കും യാത്ര ഒഴിവാക്കണമെന്ന് അധികൃതര് മുന്നറിയിപ്പ് നല്കയിട്ടുണ്ട്.
