HIGHLIGHTS : Five members of a family were found dead
തിരുവനന്തപുരം: ഒരു കുടുംബത്തിലെ അഞ്ച് പേരെ മരിച്ച നിലയില് കണ്ടെത്തി. തിരുവനന്തപുരം കല്ലമ്പലത്തെ വീട്ടിലാണ് മൃതദേഹങ്ങള് കണ്ടെത്തിയത്. ചാത്തന് പാറ സ്വദേശി മണിക്കുട്ടന് (52), ഭാര്യ സന്ധ്യ, മക്കളായ അജീഷ് (15), അമേയ (13), മണിക്കുട്ടന്റെ മാതൃസഹോദരി ദേവകി എന്നിവരെയാണ് മരിച്ച നിലയില് കണ്ടെത്തിയത്.
ഇന്ന് രാവിലെയാണ് മരണവാര്ത്ത പുറത്തറിഞ്ഞത്. തട്ടുകട നടത്തിയാണ് മണിക്കുട്ടന് വരുമാനം കണ്ടെത്തിയിരുന്നത്. വിവരമറിഞ്ഞ് പൊലീസ് സ്ഥലത്തെത്തിയിട്ടുണ്ട്. ആത്മഹത്യയെന്നാണ് നിഗമനം.
മണിക്കുട്ടന്റെ മൃതദേഹം തൂങ്ങിയ നിലയിലും മറ്റുള്ളവരുടേത് കിടക്കയിലുമാണ്. സാമ്പത്തിക പ്രതിസന്ധിയെ തുടര്ന്നാണോ മരണമെന്ന് പൊലീസ് പരിശോധിക്കുകയാണ്.