കൊച്ചി: അര്ധരാത്രി ഒരു മണിയോടെ എറണാകുളം സൗത്തില് ആക്രി ഗോഡൗണില് തീപിടിത്തം. സൗത്ത് മേല്പ്പാലത്തിനടിയിലുള്ള ആക്രി ഗോഡൗണാണ് പുലര്ച്ചെയോടെ കത്തിയത്. മണിക്കൂറുകള് പരിശ്രമിച്ചാണ് അഗ്നിരക്ഷാ സേന തീ കെടുത്തിയത്. സമീപത്തെ വീട്ടുകാരെ പൊലീസ് ഒഴിപ്പിച്ചു. സിനിമാ നിര്മാതാവ് രാജു ഗോപിയുടെ ഉടമസ്ഥതയിലുള്ള ആക്രി ഗോഡൗണിനാണ് തീ പിടിച്ചത്.
ഗോഡൗണിനകത്ത് തൊഴിലാളികളുണ്ടായിരുന്നത് ആശങ്കയുണ്ടാക്കിയെങ്കിലും പൊലീസും അഗ്നിരക്ഷാ സേനയും സമയോചിത ഇടപെടലിലൂടെ എല്ലാവരെയും രക്ഷപ്പെടുത്തി. ഗോഡൗണിലുണ്ടായിരുന്ന 9 തൊഴിലാളികളെയും രക്ഷപ്പെടുത്തി. മുക്കാല് മണിക്കൂറോളം ട്രെയിന് ഗതാഗതം നിര്ത്തിവച്ചു.
ഗോഡൗണിന് പിന്വശത്ത് നിന്നാണ് തീ പടര്ന്നതെന്ന് കൊച്ചി എസിപി രാജ്കുമാര് പറഞ്ഞു. എങ്ങനെയാണ് തീപിടിത്തമുണ്ടായതെന്ന് വ്യക്തമല്ലെന്നും വിശദമായ അന്വേഷണം നടത്തുമെന്നും അദ്ദേഹം വ്യക്തമാക്കി.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
