HIGHLIGHTS : Final Year Undergraduate and Postgraduate classes from January
തിരുവനന്തപുരം : കോളജ് തലത്തില് അവസാന വര്ഷ ബിരുദക്ലാസുകളും പോസ്റ്റ് ഗ്രാജുവേറ്റ് ക്ലാസുകളും ജനുവരി ആദ്യം മുതല് ആരംഭിക്കും. പകുതി വീതം വിദ്യാര്ത്ഥികളെ വച്ചാണ് ക്ലാസുകള് നടത്തുക. ആവശ്യമെങ്കില് കാലത്തും ഉച്ചയ്ക്കുശേഷവുമായി ഷിഫ്റ്റ് അടിസ്ഥാനത്തില് ക്ലാസുകള് ക്രമീകരിക്കും. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന ഉന്നതതലയോഗമാണ് ഇതു സംബന്ധിച്ച തീരുമാനം എടുത്തത്.
കാര്ഷിക സര്വകലാശാലയിലെയും ഫിഷറീസ് സര്വകലാശാലയിലെയും ക്ലാസുകളും വിദ്യാര്ത്ഥികളുടെ എണ്ണം ഭാഗിച്ച് പരിമിതപ്പെടുത്തി ജനുവരി ആദ്യം ആരംഭിക്കും. മെഡിക്കല് കോളജുകളില് രണ്ടാം വര്ഷം മുതല് ക്ലാസുകള് ആരംഭിക്കാനാണ് തീരുമാനം.
യോഗത്തില് മന്ത്രിമാരായ കെ.കെ. ശൈലജ, സി. രവീന്ദ്രനാഥ്, ഡോ. കെ.ടി. ജലീല്, വി.എസ്. സുനില്കുമാര്, ജെ. മേഴ്സിക്കുട്ടിയമ്മ, പൊതു വിദ്യാഭ്യാസ സെക്രട്ടറി എ. ഷാജഹാന്, ഉന്നതവിദ്യാഭ്യാസ പ്രിന്സിപ്പല് സെക്രട്ടറി ഡോ. ഉഷ ടൈറ്റസ്, ആരോഗ്യവകുപ്പ് പ്രിന്സിപ്പല് സെക്രട്ടറി രാജന് ഖൊബ്രഗഡെ തുടങ്ങിയവര് പങ്കെടുത്തു.