ഫിഫ ലോകകപ്പ് 2030, 2034 വേദികള് ഔദ്യോഗികമായി പ്രഖ്യാപിച്ചു. ഇന്നലെ ചേര്ന്ന ഫിഫ സമ്മേളനത്തിലാണ് വേദികള് ഔദ്യോഗികമായി പ്രഖ്യാപിച്ചത്. 2034 ലെ ഫിഫ ലോകകപ്പ് ഫുട്ബോളിന് സൗദി അറേബ്യ വേദിയാകും. 2030 ലെ ലോകകപ്പ് മൊറോക്കോ, സ്പെയിന്, പോര്ച്ചുഗല് എന്നീ രാജ്യങ്ങളില് സംയുക്തമായി നടത്താനും തീരുമാനമായി.
ആതിഥേയരാകാന് ഏഷ്യ, ഒഷ്യാനിയ മേഖലകളില്നിന്നു മാത്രമായിരുന്നു ഫിഫ ബിഡുകള് ക്ഷണിച്ചിരുന്നത്. ഓസ്ട്രേലിയയും ഇന്തോനീഷ്യയും ലോകകപ്പ് വേദിക്കായി നേരത്തേ താല്പര്യം അറിയിച്ചിരുന്നെങ്കിലും പിന്നീട് പിന്മാറി.
2030 ലോകകപ്പിലെ മൂന്ന് മത്സരങ്ങള്ക്ക് സൗത്ത് അമേരിക്കന് രാജ്യങ്ങളായ യുറഗ്വായ്, അര്ജന്റീന, പാരഗ്വായ് എന്നിവ ആതിഥ്യം വഹിക്കും. യുറഗ്വായില് നടന്ന ആദ്യലോകകപ്പിന്റെ നൂറാം വാര്ഷികാഘോഷം പ്രമാണിച്ചാണ് മൂന്നുമത്സരങ്ങള് സൗത്ത് അമേരിക്കന് രാജ്യങ്ങള്ക്ക് അനുവദിച്ചത്. 2026 ലെ ലോകകപ്പ് കാനഡ, മെക്സികോ, അമേരിക്ക എന്നിവിടങ്ങളിലായാണ് നടക്കുന്നത്.
ഫിഫ ലോകകപ്പിന്റെ 2026ലെ പതിപ്പിന് കാനഡ, മെക്സിക്കോ, യുഎസ് തുടങ്ങിയ വടക്കേ അമേരിക്കന് രാജ്യങ്ങള് സംയുക്ത ആതിഥേയത്വം വഹിക്കും.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
