HIGHLIGHTS : വ്യാജ അകൗണ്ടുപയോഗിച്ച്‌ സ്വന്തം നഗ്നഫോട്ടോ ഫേസ്‌ബുക്കിലിട്ട സൈനികനെതിരെ മകള്‍ പരാതി നല്‍കി. സുധീര്‍സിങ്ങ്‌ എന്ന വ്യാജ അക്കൗണ്ടിലൂടെ നഗ്നചിത്രമിട്ട ...
വ്യാജ അകൗണ്ടുപയോഗിച്ച്‌ സ്വന്തം നഗ്നഫോട്ടോ ഫേസ്‌ബുക്കിലിട്ട സൈനികനെതിരെ മകള്‍ പരാതി നല്‍കി. സുധീര്‍സിങ്ങ്‌ എന്ന വ്യാജ അക്കൗണ്ടിലൂടെ നഗ്നചിത്രമിട്ട കേണല്‍ സന്ദീപ്‌ നൈനക്കെതിരെയാണ്‌ പതിനേഴുകാരിയായ മകള്‍ പരാതിയുമായി പോലീസിനെ സമീപിച്ചത്‌.
യുപിയിലെ ലഖനൗക്കടുത്തുള്ള ആഷിയാന പോലീസ്‌ സ്‌റ്റേഷനിലാണ്‌ ഈ പരാതി രജിസ്റ്റര്‍ ചെയ്‌തിരിക്കുന്നത്‌.
തന്റെ അച്ഛന്‍ ഉണ്ടാക്കിയ ഫേക്ക്‌ അക്കൗണ്ടില്‍ തന്നോടൊപ്പം കോളേജില്‍ പഠിക്കുന്ന പല സുഹൃത്തുക്കളും ഫേസ്‌ ബുക്ക്‌ സുഹൃത്തുക്കളായിരുന്നതെന്നും ഇവരുടെ കൈയ്യിലെല്ലാം പിതാവിന്റെ അശ്ലീല ഫോട്ടോയെത്തിയതോടെ കടുത്ത മാനഹാനിയാണ്‌ തനിക്കുണ്ടായതെന്നും പെണ്‍കുട്ടി പരാതിയില്‍ പറയുന്നു. ഇപ്പോള്‍ തന്റെ കൂട്ടുകാര്‍ ഈ കാരണം കൊണ്ട്‌ തന്നോട്‌ സംസാരിക്കുന്നതു പോലുമില്ലെന്നും കുട്ടി പറയുന്നു.
കേണല്‍ ഇപ്പോള്‍ പഞ്ചാബിലാണ്‌ താമസിക്കുന്നത്‌. ഈ കേസ്‌ അന്വേഷിക്കുന്നതിനായി ലഖനൗ സൈബര്‍സെല്ലിന്‌ കൈമാറിയിരിക്കുകയാണ്‌.
