തിരുവനന്തപുരം: സംസ്ഥാനത്ത് മഴ രൂക്ഷമായി തുടരുന്ന സാഹചര്യത്തില് 3 ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ച് ജില്ല കളക്ടര്മാര്. കാസര്കോഡും തൃശ്ശൂരും കണ്ണൂരും വിദ്യാഭ്യാസ സ്ഥാപനങ്ങള്ക്ക് ഇന്ന് അവധിയാണ്.
കാസര്കോട് ജില്ലയില് റെഡ് അലര്ട്ട് മുന്നറിയിപ്പുള്ള സാഹചര്യത്തിലാണ് വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടര് അവധി പ്രഖ്യാപിച്ചത്. ജനസുരക്ഷയെ മുന്നിര്ത്തി ഓഗസ്റ്റ് ആറിന് ബുധനാഴ്ച ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് അവധി പ്രഖ്യാപിച്ചിട്ടുണ്ട്.
ജില്ലയിലെ സ്കൂളുകള്, കോളേജുകള്, പ്രൊഫഷണല് കോളേജുകള്, കേന്ദ്രീയ വിദ്യാലയങ്ങള്, ട്യൂഷന് സെന്ററുകള്, മദ്രസകള്, അങ്കണവാടികള്, സ്പെഷ്യല് ക്ലാസുകള് എന്നിവയ്ക്ക് അവധി ബാധകമാണ്. മുമ്പ് പ്രഖ്യാപിച്ച എല്ലാ പരീക്ഷകളും (പ്രൊഫഷണല്, സര്വകലാശാലാ, മറ്റു വകുപ്പ് പരീക്ഷകള് ഉള്പ്പെടെ) നിശ്ചയിച്ച പ്രകാരം തന്നെ നടക്കുന്നതാണ്. പരീക്ഷാ സമയങ്ങളില് മാറ്റമില്ല.
കേന്ദ്ര കാലാവസ്ഥ വകുപ്പ് കണ്ണൂര് ജില്ലയില് റെഡ് അലര്ട്ട് പ്രഖ്യാപിച്ചതിനാല് ജില്ലയിലെ സ്കൂളുകള്, അങ്കണവാടികള്, മതപഠന സ്ഥാപനങ്ങള്, ട്യൂഷന് സെന്ററുകള് എന്നിവയ്ക്ക് ആഗസ്റ്റ് ആറ് ബുധനാഴ്ച ജില്ലാ കളക്ടര് അവധി പ്രഖ്യാപിച്ചു. ടൂറിസം കേന്ദ്രങ്ങളില് പ്രവേശനമുണ്ടാകില്ലെന്നും കളക്ടറുടെ അറിയിപ്പിലുണ്ട്.
തൃശ്ശൂര് ജില്ലയിലെ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിരിക്കുകയാണ്. ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് അര്ജുന് പാണ്ഡ്യന് അവധി പ്രഖ്യാപിച്ചു. സി.ബി.എസ്.സി, ഐ.സി.എസ്.സി, കേന്ദ്രീയ വിദ്യാലയം, അങ്കണവാടികള്, മദ്രസകള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്. എന്നാല് റസിഡന്ഷ്യല് വിദ്യാഭ്യാസ സ്ഥാപനങ്ങള്ക്ക് അവധി ഉണ്ടായിരിക്കില്ല. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഉണ്ടായിരിക്കില്ല.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
