പാലക്കാട്: നടന് ഷൈന് ടോം ചാക്കോയ്ക്കെതിരെ പരാതിയില്ലെങ്കിലും എക്സൈസ് അന്വേഷണം തുടരുമെന്ന് മന്ത്രി എം ബി രാജേഷ്. ലഹരി ഉപയോഗം എവിടെയും പാടില്ലെന്നും വിവരം ലഭിച്ചാല് എല്ലാ സ്ഥലത്തും പരിശോധന നടത്തുമെന്നും മന്ത്രി പറഞ്ഞു. സിനിമാ സെറ്റായാലും പരിശോധന നടത്തുമെന്നും സിനിമാ സെറ്റിന് പ്രത്യേക പരിഗണനയൊന്നുമില്ലെന്നും എം ബി രാജേഷ് പറഞ്ഞു.
അതെസമയം പരാതിയില് തുടര്നടപടികള്ക്ക് താല്പര്യമില്ലെന്ന് വിന് സിയുടെ കുടുംബം അറിയിച്ചിരുന്നു. എന്നാല് നിലവിലുള്ള വിവരങ്ങളുടെ അടിസ്ഥാനത്തില് അന്വേഷിക്കുമെന്ന് മന്ത്രി എം ബി രാജേഷ് വ്യക്തമാക്കി.
വിന് സിയുടെ പരാതി ഗൗരവമുള്ളതാണെന്ന് സിനിമാ മന്ത്രി സജി ചെറിയാനും അഭിപ്രായപ്പെട്ടു.നടിയുടെ സമീപനം അഭിനന്ദാര്ഹമാണെന്നും മന്ത്രി പറഞ്ഞു. വിന് സിയുടെ പരാതി അന്വേഷിക്കുമെന്നും സിനിമയിലെ ലഹരി ഉപയോഗത്തില് മുഖം നോക്കാതെ നടപടി എടുക്കുമെന്നും സജി ചെറിയാന് പറഞ്ഞു.
