തിരുവനന്തപുരം: സംസ്ഥാനത്ത്് വൈദ്യുതി നിരക്ക് കൂട്ടി. യൂണിറ്റിന് ശരാശരി 20 പൈസയാണ് കൂട്ടിയത്. പ്രതിമാസം 40 യൂണിറ്റില് താഴെയുള്ളവര്ക്ക് നിരക്ക് വര്ധന ബാധകമല്ല. 100 യൂണിറ്റ് ഉപയോഗിക്കുന്നവര്ക്ക് 20 ശതമാനം നിരക്ക് വര്ധനയുണ്ടാകും. വൈദ്യുതി റഗുലേറ്ററി കമ്മീഷന് നിരക്ക് വര്ധന ഇന്നലെ മുതല് പ്രാബല്യത്തില് വന്നു.
25 മുതല് 40 ശതമാനം വരെ നിരക്ക് കൂട്ടണമെന്നായിരുന്നു നേരത്തെ കെഎസ്ഇബി വൈദ്യുതി റഗുലേറ്ററി കമ്മീഷന് മുന്നില് വെച്ച ആവശ്യം. നിലവില് പരമാവധി 20 ശതമാനമാണ് കൂട്ടിയത്.
2023 നവംബര് ഒന്ന് മുതല് 2024 ജൂണ് 30 വരെയാണ് നിരക്ക് വര്ധന പ്രാബല്യത്തിലാകുക. 50 യൂണിറ്റ് വരെയുള്ളവര്ക്ക് നിലവില് 193 രൂപയാണ് നിലവിലെ നിരക്ക്. അവര്ക്ക് 3.95 പൈസയാണ് യൂണിറ്റിന് ഈടാക്കുന്നത്. പുതുക്കിയ താരിഫ് പ്രകാരം 4.5 രൂപയായി മാറും.
51 മുതല് മുകളിലേക്ക് 100 യൂണിറ്റ് വരെ ഉപയോഗിക്കുന്നവര്ക്ക് 10 പൈസയാണ് യൂണിറ്റിന് കൂടിയത്. 101യൂണിറ്റ് മുതല് 150 യൂണിറ്റ് വരെയുള്ള ഉപഭോക്താക്കള് യൂണിറ്റിന് 15 പൈസയാണ് അധികമായി നല്കേണ്ടത്. 151 മുതല് 200 യൂണിറ്റ് വരെ പ്രതിമാസം വൈദ്യുതി ഉപയോഗിക്കുന്നവര് യൂണിറ്റിന് 20 പൈസ അധികമായി നല്കണം.
ദാരിദ്ര്യ രേഖയ്ക്ക് താഴെയുള്ളവരെയും ലോടെന്ഷന്- ഹൈടെന്ഷന് ഉപയോക്താക്കളെയും താരിഫ് വര്ധനയില് നിന്ന് ഒഴിവാക്കിയിട്ടുണ്ട്. 2022 ജൂണിലാണ് കേരളം അവസാനമായി വൈദ്യുതി നിരക്ക് കൂട്ടിയിരുന്നത്. അനാഥാലയങ്ങള്, വ്യദ്ധസദനങ്ങള്, ഐടി, ഐടി അനുബന്ധ സ്ഥാപനങ്ങള് എന്നിവയ്ക്ക് നിരക്ക് വര്ധന ബാധകമല്ല. അതേസമയം സ്കൂളുകള്, കോളേജുകള്, ആശുപത്രികള് എന്നിവയ്ക്ക് 2.5 ശതമാനം താരിഫ് വര്ധന ഉണ്ടായിട്ടുണ്ട്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
