ന്യൂഡല്ഹി: പ്രവാസി ഇന്ത്യക്കാരുടെ ദീര്ഘകാല ആവശ്യമായ പോസ്റ്റല് ബാലറ്റിനു പൂര്ണ പിന്തുണ അറിയിച്ച് തിരഞ്ഞെടുപ്പ് കമ്മിഷന്. പ്രവാസി വോട്ടിനായി സുപ്രീംകോടതിയില് പൊതുതാല്പര്യ ഹര്ജി നല്കിയ ഡോ. ഷംഷീര് വയലിലുമായി നടത്തിയ കൂടിക്കാഴ്ചയില് മുഖ്യ തിരഞ്ഞെടുപ്പ് കമ്മിഷന് സുനില് അറോറയാണ് ഇക്കാര്യം വ്യക്തമാക്കിയത്.
പ്രവാസികള്ക്ക് ഇലക്ട്രോണിക്കായി ലഭ്യമാക്കിയ പോസ്റ്റല് ബാലറ്റിലൂടെ വിദേശത്തുനിന്ന് വോട്ടുചെയ്യാനുള്ള സൗകര്യം എത്രയും വേഗം ഏര്പ്പെടുത്തുന്നത് സജീവപരിഗണനയിലാണെന്ന് കമ്മിഷന് വാര്ത്താക്കുറിപ്പും ഇറക്കി. ഇതിനായി നിയമ, വിദേശകാര്യ മന്ത്രാലയങ്ങളുമായി ആശയവിനിമയം നടത്തിവരുകയാണെന്നും കമ്മിഷന് വ്യക്തമാക്കി.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
