ന്യൂഡല്ഹി: രാജ്യത്ത് അംഗീകാരമില്ലാത്ത 334 പാര്ട്ടികളെ രജിസ്ട്രേര്ഡ് പാര്ട്ടികളുടെ പട്ടികയില് നിന്ന് തെരഞ്ഞെടുപ്പ് കമ്മീഷന് ഒഴിവാക്കി. കഴിഞ്ഞ ആറ് വര്ഷമായി ഒരു തെരഞ്ഞെടുപ്പിലും മത്സരിക്കാത്ത പാര്ട്ടികളെയാണ് പട്ടികയില് നിന്നും ഒഴിവാക്കിയിരിക്കുന്നത്. ഇതോടെ രാജ്യത്ത് ഇനി ആറ് ദേശീയ പാര്ട്ടികളും 67 പ്രാദേശിക പാര്ട്ടികളുമാണ് ഉണ്ടാകുക.
വിവിധ സംസ്ഥാനങ്ങളില് നിന്നുമുള്ള പാര്ട്ടികളെയാണ് പട്ടികയില് നിന്നും ഒഴിവാക്കിയത്. കേരളത്തില് നിന്ന് ആറ് പാര്ട്ടികളെയാണ് ഒഴിവാക്കിയിരിക്കുന്നത്.
ദേശീയ പ്രജാ സോഷ്യലിസ്റ്റ് പാര്ട്ടി , നാഷണല് ഡെമോക്രാറ്റിക് പാര്ട്ടി (സെക്കുലര് ), നേതാജി ആദര്ശ് പാര്ട്ടി, റവല്യൂഷനറി സോഷ്യലിസ്റ്റ് പാര്ട്ടി ഓഫ് ഇന്ത്യ (മാര്ക്സിസ്റ്റ്), റവല്യൂഷനറി സോഷ്യലിസ്റ്റ് പാര്ട്ടി ഓഫ് കേരള (ബോള്ഷെവിക് ), സെക്കുലര് റിപ്പബ്ലിക് & ഡെമോക്രറ്റിക് പാര്ട്ടി, സോഷ്യലിസ്റ്റ് റിപ്പബ്ലിക്കന് പാര്ട്ടി എന്നിങ്ങനെയാണ് കേരളത്തില് നിന്ന് ഒഴിവാക്കിയ പാര്ട്ടികള്.
രജിസ്ട്രേര്ഡ് പട്ടികയില് നിന്നും ഒഴിവാക്കിയ പാര്ട്ടികളുടെ ഓഫീസ് നിലവില് എവിടെയും പ്രവര്ത്തിക്കുന്നില്ലെന്നും ഇത് സബന്ധിച്ച ഉത്തരവില് ചൂണ്ടിക്കാണിച്ചിട്ടുണ്ട്.
