ദുല്ഖര് സല്മാന്റെ കരിയറിലെ ഏറ്റവും വലിയ ബഡ്ജറ്റില് ഒരുങ്ങുന്ന ചിത്രം ‘കുറുപ്പ്’ ഒടിടി റിലീസിനൊരുങ്ങുന്നുവെന്ന് റിപ്പോര്ട്ടുകള്. ശ്രീനാഥ് രാജേന്ദ്രന്റെ സംവിധാനത്തില് ദുല്ഖര് സല്മാന് പ്രധാന കഥാപാത്രത്തെ അവതരിപ്പിക്കുന്ന ചിത്രത്തിന്റെ മുടക്കുമുതല് 35 കോടിയാണ്.
കേരളത്തിലെ കുപ്രസിദ്ധ പിടികിട്ടാപ്പുള്ളി സുകുമാരക്കുറുപ്പിന്റെ ജീവിതത്തെ ആസ്പദമാക്കി നിര്മിക്കുന്ന ചിത്രത്തിന്റെ കഥ ഒരുക്കിയിരിക്കുന്നത് ജിതിന് കെ.ജോസ് ആണ്. ഡാനിയേല് സായൂജ് നായരും കെ.എസ് അരവിന്ദും ചേര്ന്ന് തിരക്കഥയും സംഭാഷണവും ഒരുക്കിയിരിക്കുന്നു.
ദുല്ഖര് സല്മാന്റെ ഉടമസ്ഥതയിലുള്ള വേഫേറര് ഫിലിംസും എം സ്റ്റാര് എന്റര്ടൈന്മെന്റ്സും ചേര്ന്നാണ് നിര്മ്മാണം. മൂത്തോന് എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ച ധുലിപാലയാണ് നായിക. ഇവരെ കൂടാതെ ഇന്ദ്രജിത് സുകുമാരന്,സണ്ണി വെയ്ന്,ഷൈന് ടോം ചാക്കോ വിജയരാഘവന്,പി.ബാലചന്ദ്രന് സുരഭി ലക്ഷ്മി,ശിവജി പത്മനാഭന് തുടങ്ങിയവരും ചിത്രത്തില് അഭിനയിക്കുന്നുണ്ട്.
