HIGHLIGHTS : Director Siddique passed away
സംവിധായകനും നടനുമായ സിദ്ധിഖ് (69) അന്തരിച്ചു. ഹൃദയാഘാതത്തെ തുടര്ന്ന് കൊച്ചി അമൃത ആശുപത്രിയില് ചികിത്സയിലായിരുന്നു. ആശുപത്രിയില് വെച്ചായിരുന്നു അന്ത്യം സംഭവിച്ചത്. കഴിഞ്ഞ ദിവസം മുതല് എക്മോ സപ്പോര്ട്ടിലായിരുന്നു ചികിത്സയില് കഴിഞ്ഞിരുന്നത്. കരള് രോഗ ബാധിതനായി ചികിത്സയിലായിരുന്നു സിദ്ധിഖ്. ഈ അസുഖങ്ങളില് നിന്ന് പതിയെ മോചിതനായി വരികെയാണ് ഹൃദയാഘാതം സംഭവിച്ചത്. ലാല്, റഹ്മാന് അടക്കമുള്ള താരങ്ങളും സംവിധായകരും ചികിത്സയില് കഴിയുന്ന സിദ്ധിഖിനെ ഇന്ന് സന്ദര്ശിച്ചിരുന്നു.
നാട്ടിലെ നാടക സംഘങ്ങളിലൂടെ ആയിരുന്നു അദ്ദേഹത്തിന്റെ കലാലോകത്തേയ്ക്കുള്ള അരങ്ങേറ്റം . തുടര്ന്ന് കൊച്ചിന് കലാഭവന്റെ മിമികസ് പരേഡിലൂടെ കലാകരനായി തിളങ്ങി. തിരക്കഥാകൃത്തായിട്ടായിരുന്നു ലാലും സിദ്ധിഖും സിനിമയില് ആദ്യം ശ്രദ്ധിക്കപ്പെടുന്നത്. ‘ഫുക്രി’, ‘ബിഗ് ബ്രദര്’ എന്നീ ചിത്രങ്ങളുടെ നിര്മാതാവായ സിദ്ധിഖ് നടനായും എത്തിയിട്ടുണ്ട്.
സംവിധായകന് ഫാസിലിന്റെ സഹായിയായിട്ടായിരുന്നു സിദ്ധിഖിന്റെ സിനിമാ പ്രവേശം. സിദ്ധിഖ് – ലാല് കോമ്പോ മോഹന്ലാല് ചിത്രമായ ‘പപ്പന് പ്രിയപ്പെട്ട പപ്പനി’ലൂടെ സത്യന് അന്തിക്കാടിന്റെ സംവിധാനത്തിലൂടെയാണ് ആദ്യമായി തിരക്കഥാകൃത്തുക്കളാകുന്നത്. മോഹന്ലാലിന്റെ ‘നാടോടിക്കാറ്റ്’ എന്ന ചിത്രത്തിന്റെ കഥാകൃത്തുക്കളായും സിദ്ധിഖും ലാലും തിളങ്ങി. സംവിധായകര് എന്ന നിലയില് ആദ്യ ചിത്രം ‘റാംജി റാവു സ്പീക്കിംഗ് ആയിരുന്നു.
സിദ്ധിഖ്- ലാല് തുടര്ന്ന് തിരക്കഥയെഴുതി സംവിധാനം ചെയ്ത ‘ഇന് ഹരിഹര് നഗറും’ ഹിറ്റായതോടെ ഇരുവരും മലയാളത്തിലെ പ്രേക്ഷകരുടെ പ്രിയങ്കരരായ സംവിധായകരായി. മലയാളത്തിലെ എക്കാലത്തെയും വന് ഹിറ്റ് ചിത്രമായ ‘ഗോഡ് ഫാദറും’ പ്രേക്ഷകരിലേക്ക് എത്തിച്ചതോടെ സിദ്ധിഖ്- ലാല് ചിത്രങ്ങള് ഹിറ്റായി. ‘വിയറ്റ്നാം കോളനി’, ‘കാബൂളിവാല’ എന്നിവയുടെ സംവിധായകരായും സിദ്ധിഖ്- ലാല് പേരെടുത്തു.
സുഹൃത്ത് ലാലുമായി പിരിഞ്ഞ സിദ്ധിഖ് സംവിധാനം ചെയ്തത് മമ്മൂട്ടി നായകനായ ‘ഹിറ്റ്ലെര്’ ആയിരുന്നു. ചിത്രത്തിന്റെ നിര്മാണത്തില് ലാലും പങ്കാളിയായി. മലയാളത്തിന്റെ ‘ഫ്രണ്ട്സ്’ സിദ്ധിഖിന്റെ സംവിധാനത്തില് തമിഴിലും ഹിറ്റായി. സിദ്ധിഖ് നിരവധിടെലിവിഷന് ഷോകളുടെ ഭാഗമായും പ്രേക്ഷകരിലേക്ക് എത്തിയിരുന്നു. ‘മമ്മൂട്ടി ദ ബെസ്റ്റ് ആക്ടര് അവാര്ഡി’ന്റെ ജഡ്ജ് ആയിരുന്നു. കോമഡി സ്റ്റാര് സീസണ് 2 ഷോയിലും ജഡ്ജായെത്തി. സിനിമാ ചിരിമ എന്ന ടെലിവിഷന് ഷോയുടെ അവതാരകനായിരുന്നു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു