ഡല്ഹി: മദ്യനയ അഴിമതി കേസില് ഡല്ഹി മുഖ്യമന്ത്രി അരവിന്ദ് കേജ്രിവാളിന് ജാമ്യം. ദില്ലി റോസ് അവന്യു കോടതിയാണ് കേജ്രിവാളിന് ജാമ്യം അനുവദിച്ചത്. ഒരു ലക്ഷം രൂപ കോടതിയില് കെട്ടിവെക്കണം.
ഇഡി നല്കിയിരുന്ന പരാതിയിലായിരുന്നു ജാമ്യം അനുവദിച്ചിരിക്കുന്നത്. എട്ടു സമന്സുകള് അയച്ചിട്ടും ഹാജരാകാത്തതിനെ തുടര്ന്നാണ് ഇഡി കോടതിയെ സമീപിച്ചിരുന്നത്.
മദ്യനയക്കേസില് ചോദ്യം ചെയ്യാന് നോട്ടീസുകള് ഇഡി നല്കിയിട്ടും കെജ്രിവാള് ഹാജരായിരുന്നില്ല. തുടര്ന്ന് ഇഡി നല്കിയ അപേക്ഷയില് നേരിട്ട് ഹാജരാകാന് കോടതി നിര്ദ്ദേശിച്ചിരുന്നെങ്കിലും ഓണ്ലൈനായിട്ടാണ് കെജ്രിവാള് റൗസ് അവന്യു കോടതിയില് ഹാജരായത്. സമന്സ് സ്റ്റേ ചെയ്യണമെന്ന കെജ്രിവാളിന്റെ ആവശ്യം ഡല്ഹി സെഷന്സ് കോടതി ഇന്നലെ തള്ളിയിരുന്നു.
അതേസമയം ഡല്ഹി മദ്യനയ അഴിമതിക്കേസില് ബിആര്എസ് നേതാവ് കെ. കവിതയെ ഇഡി ഡല്ഹിയിലെത്തിച്ച് ചോദ്യം ചെയ്യുകയാണ്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
