മുംബൈ : നടന് സല്മാന് ഖാന് തോക്ക് ഉപയോഗിക്കാനുള്ള ലൈസന്സ് ലഭിച്ചു. സ്വയരക്ഷക്കായി മുംബൈ പൊലീസാണ് താരത്തിന് ലൈസന്സ് അനുവദിച്ചത്. നടന് അജ്ഞാതരില് നിന്ന് വധ ഭീഷണിയുണ്ടായിരുന്നു. ഇതിന്റെ പശ്ചാത്തലത്തിലാണ് തീരുമാനം. ഒരു തോക്ക് കൈവശം വെയ്ക്കാനുള്ള അനുമതിയാണ് നല്കിയിരിക്കുന്നത്.
വധ ഭീഷണിയെ തുടര്ന്ന് സല്മാന് ജൂലൈ 22ന് പൊലീസ് കമ്മീഷണര് വിവേക് ഫന്സാല്കറെ കാണുകയും ലൈസന്സിന് അപേക്ഷിക്കുകയും ചെയ്തിരുന്നു. അപേക്ഷക്ക് പിന്നാലെ സല്മാന് താമസിക്കുന്ന സോണ് 9ന്റെ ചുമതലയുള്ള ഡി.സി.പിക്ക് കൈമാറുകയും അദ്ദേഹത്തിന്റെ നിര്ദ്ദേശപ്രകാരം തോക്ക് ലൈസന്സ് അനുവദിക്കുകയുമായിരുന്നു. ഒരു തോക്ക് കൈവശം വെയ്ക്കാനുള്ള അനുമതിയാണ് നല്കിയിരിക്കുന്നത്.
പഞ്ചാബി ഗായകനും കോണ്ഗ്രസ് നേതാവുമായിരുന്ന സിദ്ധു മൂസെവാല അജ്ഞാതരുടെ ആക്രമണത്തില് കൊല്ലപ്പെട്ടതിന് പിന്നാലെയാണ് സല്മാന് ഖാനും പിതാവിനും നേരെ വധഭീഷണി ഉയര്ന്നത്. സുഹൃത്തുക്കള്ക്കൊപ്പം കാറില് സഞ്ചരിക്കവേ അക്രമികള് അദ്ദേഹത്തിന് നേര്ക്ക് നിറയൊഴിക്കുകയായിരുന്നു. മൂസൈവാലയുടെ ശരീരത്തില് നിന്ന് 24 വെടിയുണ്ടകളാണ് കണ്ടെടുത്തത്. മൂസെവാലയുടെ ഗതി നിങ്ങള്ക്കമുണ്ടാവും എന്നായിരുന്നു സല്മാന് ഖാന് നേരെ ഉയര്ന്ന ഭീഷണി.
