ബംഗളുരു: കര്ണാടകയില് കരാറുകാരന്റെ മരണത്തില് പ്രതിഷേധം കനത്തതോടെ രാജി പ്രഖ്യാപിച്ച കര്ണാടക ഗ്രാമ വികസന വകുപ്പ് മന്ത്രി കെ എസ് ഈശ്വരപ്പ ഇന്ന് രാജി കത്ത് മുഖ്യമന്ത്രിക്ക് നല്കും. രാജികൊണ്ട് മാത്രം കാര്യമില്ലെന്നും ഈശ്വരപ്പയെ അറസ്റ്റ് ചെയ്യുന്നത് വരെ പ്രതിഷേധം തുടരുമെന്നുമാണ് പ്രതിപക്ഷ പാര്ട്ടിയായ കോണ്ഗ്രസ് വ്യക്തമാക്കുന്നത്. വെള്ളിയാഴ്ച മുഖ്യമന്ത്രി ബസവരാജ് ബൊമ്മെയെ കണ്ട് രാജിക്കത്ത് കൈമാറുമെന്ന് മുന് ഉപമുഖ്യമന്ത്രികൂടിയായ ഈശ്വരപ്പ പറഞ്ഞു.
സന്തോഷ് പാട്ടീലിന്റെ മരണവുമായി ബന്ധപ്പെട്ട് ആത്മഹത്യപ്രേരണ കുറ്റം ചുമത്തി ഈശ്വരപ്പയ്ക്കെതിരെ പൊലീസ് കേസെടുത്തിരുന്നു. നാല് കോടി രൂപയുടെ റോഡ് പണി പൂര്ത്തിയാക്കാനായി കൈയില് നിന്ന് പണം മുടക്കിയിട്ട് ഒടുവില് ഈശ്വരപ്പയും കൂട്ടാളികളും 40 ശതമാനം കമ്മിഷന് ആവശ്യപ്പെട്ടതില് മനംനൊന്താണ് സന്തോഷ് ആത്മഹത്യ ചെയ്തതെന്നായിരുന്നു ഇയാളുടെ ബന്ധുക്കളുടെ ആരോപണം.
സന്തോഷ് പാട്ടീലിന്റെ സഹോദരന് നല്കിയ പരാതിയിലാണ് മന്ത്രിക്കെതിരെ കേസെടുത്തത്.
