കല്പ്പറ്റ: വിഷം കഴിച്ച നിലയില് ആശുപത്രിയില് പ്രവേശിപ്പിച്ച വയനാട് ഡിസിസി ട്രഷറര് എന് എം വിജയനും മകന് ജിജേഷും മരിച്ചു. കോഴിക്കോട് മെഡിക്കല് കോളേജില് ചികിത്സയിലിരിക്കെയാണ് മരണം. വൈകിട്ട് ആറരയോടെയായിരുന്നു ജിജേഷിന്റെ മരണം. പിന്നാലെ വിജയന്റേയും മരണം സ്ഥിരീകരിക്കുകയായിരുന്നു.
ചൊവ്വാഴ്ചയാണ് എന് എം വിജയനെയും മകനെയും വിഷം കഴിച്ച നിലയില് വീടിനുള്ളില് കണ്ടെത്തിയത്. സുല്ത്താന് ബത്തേരി സഹകരണ ബാങ്ക് നിയമന ക്രമക്കേട് വിവാദം ചര്ച്ചയില് നില്ക്കെയാണ് ഇരുവരെയും വിഷം കഴിച്ച നിലയില് കണ്ടെത്തിയത്.
ഏറെക്കാലം സുല്ത്താന് ബത്തേരി ഗ്രാമപഞ്ചായത്ത് പ്രസിഡന്റായിരുന്നു വിജയന്. വയനാട്ടിലെ കോണ്ഗ്രസ് നേതാക്കന്മാരില് പ്രമുഖനാണ് അദ്ദേഹം. ജിജേഷ് ഏറെക്കാലമായി ശാരീരിക പ്രയാസം മൂലം കിടപ്പിലാണ്. മകന് വിഷം കൊടുത്തശേഷം വിജയനും വിഷം കഴിക്കുകയായിരുന്നു എന്നാണ് പ്രാഥമിക നിഗമനം. വീട്ടില് പരിശോധന നടത്തിയെങ്കിലും ആത്മഹത്യാ കുറിപ്പുകള് ഒന്നും കണ്ടെത്തിയില്ല. സംഭവത്തില് അന്വേഷണം നടക്കുന്നുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
