ചെന്നൈ: ബംഗാള് ഉള്ക്കടലിലെ ന്യൂനമര്ദം ഫിന്ജാല് ചുഴലിക്കാറ്റായി മാറി. ഫിന്ജാല് ചുഴലിക്കാറ്റ് ഇന്ന് കര തൊടും. ഉച്ചയ്ക്ക് ശേഷം കാരയ്ക്കലിനും മഹാബലിപുരത്തിനും ഇടയില് കര തൊടുമെന്നാണ് പുറത്തുവരുന്ന വിവരം. നിലവില് ചെന്നൈക്ക് 190 കിലോമീറ്റര് അകലെയാണ് ചുഴലിക്കാറ്റുള്ളത്. തമിഴ്നാട് -തെക്കന് ആന്ധ്രാ തീരമേഖല അതീവജാഗ്രതയിലാണ്. 90 കിലോമീറ്റര് വരെ വേഗത്തില് കാറ്റിനു സാധ്യതയുണ്ട്. ഇന്ന് ചെന്നൈ അടക്കം വടക്കന് ജില്ലകളില് റെഡ് അലര്ട്ടാണ്.
ചെന്നൈ അടക്കം 8 ജില്ലകളിലെ സ്കൂളുകള്ക്ക് അവധി പ്രഖ്യാപിച്ചിരിക്കുകയാണ്. ഐടി ജീവനക്കാര്ക്ക് വര്ക്ക് ഫ്രം ഹോം സംവിധാനം ഒരുക്കിയിട്ടുണ്ട്. ചെന്നൈയില് നിന്നുള്ള പല വിമാനങ്ങളും വൈകുന്നു. ചെന്നൈ മെട്രോ രാത്രി 11 വരെ സാധാരണ നിലയില് തുടരുമെന്നും അധികൃതര് അറിയിച്ചു. ബീച്ചുകളിലും അമ്യൂസ്മെന്റ് പാര്ക്കുകളിലും പൊതുജനങ്ങള്ക്ക് വിലക്കേര്പ്പെടുത്തിയിട്ടുണ്ട്. 2299 ദുരിതാശ്വാസ ക്യാമ്പുകളും സര്ക്കാര് സജ്ജീകരിച്ചിട്ടുണ്ട്. മോശം കാലാവസ്ഥയെ തുടര്ന്ന് ഇന്ന് നടക്കാനിരുന്ന രാഷ്ട്രപതിയുടെ പരിപാടിയും റദ്ദാക്കിയിട്ടുണ്ട്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
