മണിപ്പൂര്: ഇംഫാലില് വന് സംഘര്ഷം. കാങ്പോക്പിയില് വെടിയേറ്റ് കൊല്ലപ്പെട്ടയാളുടെ മൃതദേഹവുമായി ജനക്കൂട്ടം പ്രതിഷേധിക്കുകയാണ്. പ്രതിഷേധക്കാര് റോഡില് ടയറുകള് കൂട്ടിയിട്ട് കത്തിച്ചു. സംഘര്ഷത്തെ തുടര്ന്ന് പൊലീസ് കണ്ണീര് വാതകം പ്രയോഗിച്ചു.
അതേ സമയം, കലാപം നടക്കുന്ന മണിപ്പൂര് സന്ദര്ശിക്കാനെത്തിയ രാഹുല് ഗാന്ധിയെ പൊലീസ് തടഞ്ഞത് രാവിലെ സംഘര്ഷത്തില് കലാശിച്ചു. ആയുധധാരികളുണ്ടെന്ന് മുന്നറിയിപ്പുള്ളതിനാല്, വ്യോമമാര്ഗം പോകണമെന്ന് പൊലീസ് നിലപാട് അറിയിച്ചതോടെ കോണ്ഗ്രസ് പ്രവര്ത്തകരുമായി വാക്കുതര്ക്കമുണ്ടായി. പ്രതിഷേധം നേരിടാന് പൊലീസ് ആകാശത്തേക്ക് വെടിവെക്കുകയും കണ്ണീര്വാതകം പ്രയോഗിക്കുകയും ചെയ്തു. ഹെലികോപ്ടറിലാണ് പിന്നീട് രാഹുല് ചുരാചന്ദ്പൂരില് എത്തിയത്. കലാപ ബാധിതര് കഴിയുന്ന ക്യാമ്പുകള് രാഹുല് സന്ദര്ശിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
