മലപ്പുറം: ജില്ലയില് വ്യാഴാഴ്ച 161 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. ആര്. രേണുക അറിയിച്ചു. 2.43 ശതമാനമാണ് ടെസ്റ്റ് പോസിറ്റീവിറ്റി നിരക്ക് രേഖപ്പെടുത്തിയത്.
ആകെ 6,615 സാമ്പിളുകള് പരിശോധിച്ചതില് 157 പേര്ക്കും നേരിട്ടുള്ള സമ്പര്ക്കത്തിലൂടെയാണ് രോഗം ബാധിച്ചത്. രണ്ട് പേരുടെ വൈറസ് ഉറവിടം വ്യക്തമല്ല. ജില്ലയ്ക്ക് പുറത്ത് നിന്നുമെത്തിയ രണ്ട് പേര്ക്കും രോഗം സ്ഥിരീകരിച്ചിട്ടുണ്ട്.
അതേസമയം ജില്ലയില് 49,22,659 ഡോസ് കോവിഡ് പ്രതിരോധ വാക്സിനാണ് ഇതുവരെ നല്കിയത്. ഇതില് 30,59,941 പേര്ക്ക് ഒന്നാം ഡോസും 18,62,718 പേര്ക്ക് രണ്ട് ഡോസ് വാക്സിനുമാണ് നല്കിയത്. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
