ശനിയാഴ്ച ഹനുമാന് ജയന്തി ഘോഷയാത്രയോടനുബന്ധിച്ച് വര്ഗീയകലാപമുണ്ടായ ജഹാംഗീര്പുരിയില് അനധികൃത കെട്ടിടങ്ങള് ഉത്തരദില്ലി മുന്സിപ്പല് കോര്പ്പറേഷന് ഇടിച്ചുനിരത്തുന്നു. സ്ഥലത്ത് നാനൂറോളം പൊലീസുകാരെ അണിനിരത്തി കനത്ത സുരക്ഷയോടെയായിരുന്നു പൊളിക്കല് നടപടികള്. നാലഞ്ച് കെട്ടിടങ്ങള് ബുള്ഡോസറുകള് കൊണ്ടുവന്ന് അവര് പൊളിക്കുകയും ചെയ്തു.
ഇതിനിടെയാണ് ഈ പൊളിക്കലിനെതിരെ അടിയന്തരമായി സുപ്രീംകോടതിയില് ഹര്ജിയെത്തിയത്. ഇതോടെ് പൊളിക്കല് നടപടികള് താല്ക്കാലികമായി നിര്ത്തിവച്ച്, സ്ഥലത്ത് നിലവിലുള്ള അവസ്ഥ തുടരണമെന്നും സുപ്രീംകോടതി ഉത്തരവിട്ടു.
കലാപകാരികളുടെ അനധികൃത കെട്ടിടങ്ങള് പൊളിക്കണമെന്നാവശ്യപ്പെട്ട് ദില്ലി ബിജെപി അധ്യക്ഷന് ആദേഷ് ഗുപ്ത എന്ഡിഎംസി മേയര്ക്ക് അയച്ച കത്തിന് തൊട്ടുപിന്നാലെയാണ് ഉദ്യോഗസ്ഥര് ബുള്ഡോസറുകളുമായി കെട്ടിടങ്ങള് പൊളിക്കാനെത്തിയത്.
