കശ്മീര്: ജമ്മു കശ്മീരിലെ മേഘവിസ്ഫോടനത്തെ തുടര്ന്നുണ്ടായ മിന്നല് പ്രളയത്തില് 36 പേര് മരിച്ചതായി റിപ്പോര്ട്ട്. 50ലധികം പേര്ക്ക് പരിക്കേല്ക്കുകയും ചെയ്തിട്ടുണ്ട്.
കശ്മീരിലെ കിഷ്ത്വാര് ജില്ലയിലെ ചോസിതിയിലാണ് സംഭവം ഉണ്ടായിരിക്കുന്നത്. വ്യാഴാഴ്ച ഉച്ച കഴിഞ്ഞാണ് മേഘവിസ്ഫോടനവും അതെ തുടര്ന്ന് മിന്നല് പ്രളയം ഉണ്ടായത്.
സൈന്യം, എന്ഡിആര്എഫിന്റെ രണ്ട് സംഘങ്ങളും രക്ഷാപ്രവര്ത്തനം തുടരുകയാണ്. അതെസമയം സംഭവത്തില് ഇരുനൂറിലേറെ ആളുകളെ കാണാതായതായി പ്രാദേശിക മാധ്യമങ്ങള് റിപ്പോര്ട്ട് ചെയ്യുന്നുണ്ട്.
കിഷ്ത്വാറിലെ മചൈല് മാതാ തീര്ത്ഥാടന കേന്ദ്രത്തിലേയ്ക്കുള്ള പാത ആരംഭിക്കുന്നിടത്താണ് മേഘവിസ്ഫോടനവുംവെള്ളപ്പൊക്കവും ഉണ്ടായത്. സംഭവത്തെ തുടര്ന്ന് ക്ഷേത്രത്തിലേക്ക് യാത്രാ നിരോധനം ഏര്പ്പെടുത്തിയതായി ഉദ്യോഗസ്ഥര് അറിയിച്ചു. സ്ഥിതിഗതികള് വിലയിരുത്തിയ കേന്ദ്ര ആഭ്യന്തരമന്ത്രി അമിത് ഷാ സാധ്യമായ എല്ലാ സഹായങ്ങളും ഉറപ്പുനല്കിയിട്ടുണ്ട്. മിന്നല് പ്രളയത്തെ തുടര്ന്ന് വിവിധ സ്ഥലങ്ങളില് നിന്ന് ആളുകളെ മാറ്റി മാര്പ്പിച്ചിട്ടുണ്ട്.
