തിരുവനന്തപുരം: സംസ്ഥാനത്ത് ഒറ്റപ്പെട്ടയിടങ്ങളില് ശക്തമായ മഴക്ക് സാധ്യത. മധ്യ, തെക്കന് ജില്ലകളില് കിഴക്കന് മേഖലയിലാണ് കൂടുതല് മഴ സാധ്യത. ഇന്ന് ഇടുക്കിയിലും പത്തനംതിട്ടയിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. ബുധനാഴ്ച പത്തനംതിട്ടയിലും വ്യാഴാഴ്ച എറണാകുളത്തും യെല്ലോ അലര്ട്ടായിരിക്കും.
മഴ കിട്ടുമെങ്കിലും താപനില ജാഗ്രതയും തുടരണം. അഞ്ച് ജില്ലകളില് താപനില മുന്നറിയിപ്പുണ്ട്. പാലക്കാട്, ആലപ്പുഴ, കോട്ടയം, കൊല്ലം, തിരുവനന്തപുരം ജില്ലകളിലാണ് മുന്നറിയിപ്പ്. സാധാരണ നിലയില് നിന്ന് രണ്ട് മുതല് നാല് വരെ ഡിഗ്രി താപനിലയാണ് ഉയരുകയെന്ന് കാലാവസ്ഥാ വകുപ്പിന്റെ മുന്നറിയിപ്പ്. പാലക്കാട് ഉയര്ന്ന താപനില 38 ഡിഗ്രി സെല്ഷ്യസായിരിക്കും. ആലപ്പുഴ, കോട്ടയം, കൊല്ലം ജില്ലകളില് ഉയര്ന്ന താപനില 37 ഡിഗ്രി സെല്ഷ്യസായിരിക്കും. തിരുവനന്തപുരത്ത് ഉയര്ന്ന താപനില `36 ഡിഗ്രി സെല്ഷ്യസായിരിക്കും ഉയരാന് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നല്കുന്നു.
അഞ്ച് ജില്ലകളിലും മലയോര പ്രദേശങ്ങള് ഒഴികെയുള്ള ഇടങ്ങളിലാണ് യെല്ലോ അലേര്ട്ട് നല്കിയിരിക്കുന്നത്. ജില്ലകളിലെ ഇന്നത്തെ താപനില വരും ദിവസങ്ങളില് ഉയരും. ഉയര്ന്ന താപനിലയും ഈര്പ്പമുള്ള വായുവും മൂലം മലയോര പ്രദേശങ്ങള് ഒഴികെ ചൂടും അസ്വസ്ഥതയും നിറഞ്ഞ കാലാവസ്ഥയ്ക്ക് സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
