HIGHLIGHTS : Calicut University News
ടെറിഡോളജി ഗവേഷണത്തില്‍ അന്താരാഷ്ട്ര സമ്മേളനം
ഇന്ത്യന്‍ ഫേണ്‍ സൊസൈറ്റിയുടെ സമ്മേളനത്തിനും ടെറിഡോളജി വിഷയത്തിലുള്ള അന്താരാഷ്ട്ര സിമ്പോസിയത്തിനും 17-ന് കാലിക്കറ്റ് സര്‍വകലാശാലയില്‍ തുടക്കമാകും. അപുഷ്പി സസ്യവിഭാഗത്തില്‍പ്പെട്ട പന്നല്‍ച്ചെടികളുള്‍പ്പെട്ട വിഭാഗത്തെക്കുറിച്ചുള്ള പഠനമാണ് ടെറിഡോളജി. ബോട്ടണി പഠനവകുപ്പിന്റെ നേതൃത്വത്തില്‍ സര്‍വകലാശാലാ സെമിനാര്‍ കോംപ്ലക്‌സിലാണ് പരിപാടി. 17-ന് രാവിലെ 9.30-ന് വൈസ് ചാന്‍സിലര്‍ ഡോ. എം.കെ. ജയരാജ് ഉദ്ഘാടനം ചെയ്യും. ദേശീയ ജൈവവൈവിദ്ധ്യ അതോറിറ്റി സെക്രട്ടറി ജസ്റ്റിന്‍ മോഹന്‍ മുഖ്യാതിഥിയാകും. സര്‍വകലാശാലാ ബോട്ടണി വിഭാഗത്തിന്റെ ആദ്യഅദ്ധ്യക്ഷനും പ്രമുഖ ടെറിഡോളജിസ്റ്റുമായ ബി.കെ. നായരെ ചടങ്ങില്‍ അനുസ്മരിക്കും. മുന്‍ വകുപ്പ് മേധാവി പ്രൊഫ. പി.വി. മധുസൂദനന്‍ അനുസ്മരണ പ്രഭാഷണം നടത്തും. പ്രഗത്ഭരായ ദേശീയ അന്തര്‍ദേശീയ പ്രതിനിധികള്‍ പങ്കെടുക്കും.
മാത്തമറ്റിക്‌സ് അസി. പ്രൊഫസര്‍ അഭിമുഖം
കാലിക്കറ്റ് സര്‍വകലാശാലാ ടീച്ചര്‍ എഡ്യുക്കേഷന്‍ സെന്ററുകളില്‍ മാത്തമറ്റിക്‌സ് അസിസ്റ്റന്റ് പ്രൊഫസര്‍ തസ്തികയില്‍ നിയമനത്തിനായി ഓണ്‍ലൈന്‍ അപേക്ഷ സമര്‍പ്പിച്ചവരില്‍ യോഗ്യരായവര്‍ക്കുള്ള അഭിമുഖം 19-ന് രാവിലെ 10 മണിക്ക് ഭരണകാര്യാലയത്തില്‍ നടത്തും. യോഗ്യരായവരുടെ പേരും മറ്റു വിവരങ്ങളും അവര്‍ക്കുള്ള നിര്‍ദ്ദേശങ്ങളും വെബ്‌സൈറ്റില്‍.
ഒറ്റത്തവണ റഗുലര്‍ സപ്ലിമെന്ററി പരീക്ഷ
2016 പ്രവേശനം ഒന്ന്, രണ്ട് വര്‍ഷ ബി.എച്ച്.എം., 2017 പ്രവേശനം ഒന്നാം വര്‍ഷ ബി.എച്ച്.എം. വിദ്യാര്‍ത്ഥികളില്‍ എല്ലാ അവസരങ്ങളും നഷ്ടപ്പെട്ടവര്‍ക്കായി സപ്തംബര്‍ 2021 ഒറ്റത്തവണ റഗുലര്‍ സപ്ലിമെന്ററി പരീക്ഷ നടത്തുന്നു. 22-ന് മുമ്പായി ഓണ്‍ലൈന്‍ രജിസ്‌ട്രേഷന്‍ ചെയ്ത് അപേക്ഷയുടെ കോപ്പിയും അനുബന്ധ രേഖകളും 25-ന് മുമ്പായി പരീക്ഷാ കണ്‍ട്രോളര്‍ക്ക് സമര്‍പ്പിക്കണം. രജിസ്‌ട്രേഷന്‍-പരീക്ഷാ ഫീസുകളെ സംബന്ധിച്ച വിവരങ്ങളും മറ്റ് വിശദാംശങ്ങളും വെബ്‌സൈറ്റില്‍.
പരീക്ഷാ ഫലം
രണ്ടാം സെമസ്റ്റര്‍ ബി.വോക്. ഏപ്രില്‍ 2020 പരീക്ഷകളുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 26 വരെ ഓണ്‍ലൈനായി അപേക്ഷിക്കാം.
കോവിഡ് സ്‌പെഷ്യല്‍ പരീക്ഷ
രണ്ടാം വര്‍ഷ അഫ്‌സലുല്‍ ഉലമ പ്രിലിമിനറി മാര്‍ച്ച് 2021 കോവിഡ് സ്‌പെഷ്യല്‍ പരീക്ഷ മാര്‍ച്ച് 2022 റഗുലര്‍, സപ്ലിമെന്ററി, ഇംപ്രൂവ്‌മെന്റ് പരീക്ഷകള്‍ക്കൊപ്പം 21-ന് തുടങ്ങും.
