കോഴിക്കോട് : മെഡിക്കല് കോളേജ് ക്യാമ്പസ്സില് പ്രവര്ത്തിക്കുന്ന ഇന്സ്റ്റിറ്റ്യൂട്ട് ഓഫ് മെന്റല് ഹെല്ത്ത് ആന്ഡ് ന്യൂറോസയന്സ്സ് (IMHANS) നടത്തി വരുന്ന ,എംഫില് ഇന് ക്ലിനിക്കല് സൈക്കോളജി (M.Phil in Clinical Psychology) എം.ഫില് ഇന് സൈക്കിയാട്രിക് സോഷ്യല് വര്ക്ക് (M.Phil in Psychiatric Social Work) എന്നീ കോഴ്സുകളുടെ 2020-21 വര്ഷത്തെ പ്രവേശനത്തിനുള്ള അപേക്ഷ ക്ഷണിച്ചു. എല്.ബി.എസ് സെന്റര് ഡയറക്ടറുടെ www.lbscentre.kerala.gov.in എന്ന വെബ്സൈറ്റ് വഴി ഓണ്ലൈനായി നവംബര് 20 മുതല് ഡിസംബര് 9 വരെ അപേക്ഷിക്കാം.ഡിസംബര് 10 നാണ് അപേക്ഷ ഓണ്ലൈനായി സമര്പ്പിക്കേണ്ട അവസാന തീയതി.
പൊതുവിഭാഗത്തിനു 1500 രൂപയും പട്ടികജാതി/പട്ടിക വര്ഗ്ഗ വിഭാഗത്തിന് 1250 രൂപയുമാണ് അപേക്ഷ ഫീസ്. അപേക്ഷകര്ക്ക് ഓണ്ലൈന് മുഖേനയോ,വെബ്സൈറ്റ് വഴി ഡൗണ്ലോഡ് ചെയ്ത ചെല്ലാന് ഉപയോഗിച്ച് ഫെഡറല് ബാങ്കിന്റെ ഏതെങ്കിലും ശാഖ വഴിയോ നവംബര് 20 മുതല് ഡിസംബര് 9 വരെ ഫീസ് അടയ്ക്കാം. വ്യക്തിഗത, അക്കാഡമിക്ക് വിവരങ്ങള് ഓണ്ലൈന് ആയി www.lbscentre.kerala.gov.in എന്ന വെബ്സൈറ്റില് രജിസ്റ്റര് ചെയ്യാം. ബന്ധപ്പെട്ട രേഖകള് ഓണ്ലൈന് ആപ്ലിക്കേഷന് സമര്പ്പിക്കുന്ന അവസരത്തില് അപ്ലോഡ് ചെയ്യണം.
എംഫില് ഇന് ക്ലിനിക്കല് സൈക്കോളജി എന്ന പ്രോഗ്രാമിന് അപേക്ഷിക്കുന്നവര്, എം.എ/ എം.എസ്.സി സൈക്കോളജിയില് പൊതുവിഭാഗക്കാര് മൊത്തത്തില് 55 ശതമാനം മാര്ക്കോടെയും പട്ടികജാതി/പട്ടികവര്ഗ്ഗ വിഭാഗക്കാര് മൊത്തത്തില് 50 ശതമാനം മാര്ക്കോടെയും ജയിച്ചവര് ആയിരിക്കണം.
എംഫില് ഇന് സൈക്കിയാട്രിക് സോഷ്യല് വര്ക്ക് എന്ന പ്രോഗ്രാമിന് അപേക്ഷിക്കുന്നവര്, എം.എ/എം.എസ്.ഡബ്ല്യൂ ഇന് സോഷ്യല്വര്ക്കില് മെഡിക്കല് ആന്ഡ് സൈക്യാട്രി സ്പെഷ്യലൈസേഷനോടുകൂടി മൊത്തത്തില് 55 ശതമാനം മാര്ക്കോടെ ജയിച്ചവര് ആയിരിക്കണം. അവസാന വര്ഷം/സെമസ്റ്റര് പഠിക്കുന്നവര്ക്കും അപേക്ഷിക്കാം. പക്ഷേ അഡ്മിഷന് സമയത്ത് അവര് യോഗ്യത നേടിയിരിക്കണം.പ്രവേശന പരീക്ഷ ഡിസംബര് 20ന് കോഴിക്കോട് നടത്തും.
