കൊച്ചി: നടി ഹണി റോസിന്റെ പരാതിയില് ബോബി ചെമ്മണ്ണൂര് കസ്റ്റഡിയില്. ഇദേഹത്തെ വയനാട്ടിലെ റിസോര്ട്ടില് നിന്നാണ് കസ്റ്റഡിയില് എടുത്തത്. എറണാകുളം സെന്ട്രല് പോലീസാണ് കസ്റ്റഡിയിലെടുത്തിരിക്കുന്നത്. സ്ത്രീകള്ക്കെതിരെ അശ്ലീലപരാമര്ശം നടത്തുക, അത്തരത്തിലുള്ള പരാമര്ശങ്ങള് സാമൂഹികമാധ്യമങ്ങളിലൂടെ പ്രചരിപ്പിക്കല് തുടങ്ങിയ കുറ്റങ്ങളാണ് ചുമത്തിയിരിക്കുന്നത്.
കഴിഞ്ഞ ദിവസമാണ് ബോബി ചെമ്മണ്ണൂരിനെതിരെ അശ്ലീല അധിക്ഷേപങ്ങള് നടത്തിയെന്ന് ആരോപിച്ച് നടി ഹണി റോസ് എറണാകുളം സെന്ട്രല് പൊലീസില് പരാതി നല്കിയത്. തുടര്ന്ന് സത്രീത്വത്തെ അപമാനിച്ചെന്ന് കാട്ടി പൊലീസ് കേസെടുത്തിരുന്നു. ഐടി ആക്ടും ബോബി ചെമ്മണ്ണൂരിനെതിരെ ചുമത്തിയിട്ടുണ്ട്.
സെന്ട്രല് എസിപി ജയകുമാറിന്റെ മേല്നോട്ടത്തില് മൂന്ന് വനിതാ ഉദ്യോഗസ്ഥരടങ്ങുന്ന 10 പേരുടെ അന്വേഷണസംഘം രൂപീകരിച്ചിട്ടുണ്ട്.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
