വയോജനങ്ങളുടെ ശാരീരിക മാനസിക ആരോഗ്യം ലക്ഷ്യമിട്ട് സംസ്ഥാന ആയുഷ് വകുപ്പിന്റെ നേതൃത്വത്തില് സംഘടിപ്പിച്ച സ്പെഷ്യല് വയോജന മെഡിക്കല് ക്യാമ്പുകളുടെ റിപ്പോര്ട്ട് ആരോഗ്യ വകുപ്പ് മന്ത്രി വീണാ ജോര്ജിന് നാഷണല് ആയുഷ് മിഷന് സ്റ്റേറ്റ് മിഷന് ഡയറക്ടര് ഡോ. ഡി. സജിത് ബാബു കൈമാറി. ഒക്ടോബര് പകുതിയിലും നംവംബറിലുമാണ് ക്യാമ്പുകള് സംഘടിപ്പിച്ചത്. ഈ കാലയളവില് 2408 മെഡിക്കല് ക്യാമ്പുകളാണ് സംസ്ഥാനത്തിന്റെ വിവിധ ഭാഗങ്ങളിലായി സംഘടിപ്പിച്ചത്. ഭാരതീയ ചികിത്സാ വകുപ്പിന്റെ നേതൃത്വത്തില് 1227 ക്യാമ്പുകളും ഹോമിയോപ്പതി വകുപ്പിന്റെ നേതൃത്വത്തില് 1181 ക്യാമ്പുകളുമാണ് സംഘടിപ്പിച്ചത്. ആകെ 1,76,386 വയോജനങ്ങള് ക്യാമ്പുകളില് പങ്കെടുത്തു. അതില് 1,04,319 സ്ത്രീകളും 72,067 പുരുഷന്മാരുമാണ് ഉണ്ടായിരുന്നത്. ക്യാമ്പുകളില് പങ്കെടുത്ത 23.9 ശതമാനം വയോജനങ്ങള്ക്ക് പ്രമേഹവും 25.09 വയോജനങ്ങള്ക്ക് രക്താതിമര്ദവും ഉള്ളതായി കണ്ടെത്തി. വിവിധ രോഗങ്ങള്ക്ക് കൂടുതല് ചികിത്സ ആവശ്യമുള്ള 38,694 പേരെ ഉയര്ന്ന ആരോഗ്യ കേന്ദ്രങ്ങളിലേക്ക് റഫര് ചെയ്തു.
ആയുര്വേദം, ഹോമിയോപ്പതി, യോഗ-നാച്ചുറോപ്പതി, സിദ്ധ, യുനാനി തുടങ്ങിയ എല്ലാ ആയുഷ് വിഭാഗങ്ങളേയും ഉള്ക്കൊള്ളിച്ചു കൊണ്ടാണ് മെഡിക്കല് ക്യാമ്പുകള് സംഘടിപ്പിച്ചത്.
ഹോമിയോപ്പതി വകുപ്പ് ഡയറക്ടര് ഇന് ചാര്ജ് ഡോ. എം.പി. ബീന, ആയുര്വേദ മെഡിക്കല് എഡ്യൂക്കേഷന് വകുപ്പ് ഡയറക്ടര് ഡോ. ടി.ഡി. ശ്രീകുമാര്, ഭാരതീയ ചികിത്സാ വകുപ്പ് ജോ. ഡയറക്ടര് ഡോ. സലജ കുമാരി, ഹോമിയോപ്പതി മെഡിക്കല് എഡ്യൂക്കേഷന് വകുപ്പ് പ്രിന്സിപ്പല് ആന്റ് കണ്ട്രോളിംഗ് ഓഫീസര് ഡോ. ടി.കെ. വിജയന്, ആയുഷ് മിഷന് സ്റ്റേറ്റ് പ്രോഗ്രാം മാനേജര് ഡോ. ആര്. ജയനാരായണന് എന്നിവര് പങ്കെടുത്തു.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
