HIGHLIGHTS : Prominent expatriate businessman and filmmaker Mala Atlas Ramachandran passed away. He was 80 years old.
ദുബായ്: പ്രമുഖ വ്യപാരിയും ചലച്ചിത്രനിര്മ്മാതാവുമായ അറ്റ്ലസ് രാമചന്ദ്രന് അന്തരിച്ചു. 80 വയസ്സായിരുന്നു. വാര്ദ്ധക്യസഹജമായ അസുഖങ്ങളെതുടര്ന്ന് ദുബായ് ആസ്റ്റര് മന്ഖൂള് ഹോസ്പിറ്റലില് ചികിത്സയിലിരിക്കെ ഞായറാഴ്ച രാത്രിയോടെയായിരുന്നു മരണം. ഹൃദയാഘാതമാണ് മരണകാരണം.
നെഞ്ചുവേദന അനുഭവപ്പെട്ടതിനെ തുടര്ന്ന് ശനിയാഴ്ച രാത്രിയാണ് അദ്ദേഹത്തെ ആശുപത്രിയിലേക്ക് കൊണ്ടുപോകുന്നത്. ഭാര്യ ഇന്ദിരാ രാമചന്ദ്രനും , മകള് ഡോ.മഞ്ജു രാമചന്ദ്രനും ഒപ്പമുണ്ടായിരുന്നു. കുറച്ച് നാളുകളായി വാര്ദ്ധക്യസഹജമായ അസുഖങ്ങള് അദ്ദേഹത്തെ അലട്ടിയിരുന്നു.
എന്നിരുന്നാലും പുതിയ ബിസിനസ് സംരംഭങ്ങള് ആരംഭിക്കാനുള്ള തയ്യാറെടുപ്പിലായിരുന്നു അദ്ദേഹം.
കഴിഞ്ഞ ഓഗസ്റ്റില് ബര് ദുബായിലെ വസതിയില് സുഹൃത്തുക്കളും ബന്ധുക്കളും ചേര്ന്നാണ് അദേഹത്തിന്റെ എണ്പതാം പിറന്നാള് ആഘോഷിച്ചത്.
തൃശ്ശൂരില് 1942 ജൂലൈ 31 നാണ് എംഎം രാമചന്ദ്രനെന്ന അറ്റ്ലസ് രാമചന്ദ്രന്റെ ജനനം.