ഡല്ഹി: അരവിന്ദ് കെജ്രിവാള് മുഖ്യമന്ത്രി സ്ഥാനം രാജി വെക്കുന്നതോടെ മന്ത്രിയും എ എ പി വക്താവായ അതിഷി മര്ലേന ഡല്ഹി മുഖ്യമന്ത്രിയാകും. എഎപി രാഷ്ട്രീയകാര്യ സമിതി ചേര്ന്നാണ് അതിഷിയെ മുഖ്യമന്ത്രിയായി തീരുമാനിച്ചത്. മുതിര്ന്ന നേതാവ് മനീഷ് സിസോദിയ അടക്കമുള്ള നേതാക്കള് അതിഷിയെ പിന്തുണച്ചിരുന്നു.
ആംആദ്മി സര്ക്കാരില് വിദ്യാഭ്യാസം, പൊതുമരാമത്ത് വകുപ്പുകളാണ് അതിഷി കൈകാര്യം ചെയ്യുന്നത്. ഓക്സ്ഫോര്ഡ് യൂണിവേഴ്സിറ്റി പൂര്വ വിദ്യാര്ത്ഥിയായ അതിഷി ഡല്ഹിയിലെ സ്കൂളുകളിലെ വിദ്യാഭ്യാസം പരിഷ്കരിക്കുന്നതിനുള്ള എഎപി പ്രവര്ത്തനങ്ങളില് സജീവമായിരുന്നു. മദ്യനയ അഴിമതിക്കേസില് അരവിന്ദ് കെജ്രിവാളിനെ എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തപ്പോള് ശക്തമായ ഇടപെടലുകളിലൂടെ അതിഷി ഏറെ ശ്രദ്ധപിടിച്ചുപറ്റിയിരുന്നു. ഡല്ഹിയുടെ മൂന്നാമത്തെ വനിതാ മുഖ്യമന്ത്രിയാണ് അതിഷി മര്ലേന. നേരത്തെ സുഷമ സ്വരാജും ക്ഷീലാ ദീക്ഷിതും ഡല്ഹി മുഖ്യമന്ത്രിമാരായിരുന്നു.
മദ്യനയ അഴിമതിക്കേസില് ജാമ്യം ലഭിച്ച് പുറത്തിറങ്ങിയതിന് പിന്നാലെയായിരുന്നു കെജ്രിവാള് അപ്രതീക്ഷിതമായി രാജി പ്രഖ്യാപിച്ചത്. പുതിയ മുഖ്യമന്ത്രിയെ പ്രഖ്യാപിച്ച ശേഷം വൈകീട്ടോടെ കെജ്രിവാള് രാജി സമര്പ്പിക്കുമെന്നാണ് വിവരം.
