തിരുവനന്തപുരം: ഇന്ന് നിയമസഭാ സമ്മേളനത്തില് പങ്കെടുക്കില്ലെന്ന് നിലമ്പൂര് എംഎല്എ പി വി അന്വര്. സ്വതന്ത്ര എംഎല്എ ആയിട്ട് സീറ്റ് അനുവദിക്കണമെന്നും അന്വര് ആവശ്യപ്പെട്ടു.
ക്രമസമാധാന ചുമതലയില് നിന്ന് എം ആര് അജിത്കുമാറിനെ മാറ്റിയതിനെയും അന്വര് പരിഹസിച്ചു.
‘കസേരകളി പോലെ ഒരു സീറ്റില് നിന്നും മറ്റൊരു സീറ്റിലേക്ക് മാറ്റിയിട്ട് എന്ത് കാര്യം. സസ്പെന്ഡ് ചെയ്യണ്ടേ. സസ്പെന്ഡ് ചെയ്യണമെന്നാണ് ഡിജിപി എഴുതിക്കൊടുത്തത്. മുഖ്യമന്ത്രിയുടെ ഓഫീസ് അതിന് തയ്യാറല്ല. ഇന്നോ നാളെ രാവിലെ വരെയോ മറുപടി നോക്കും. ജീവനുണ്ടെങ്കില് നാളെ സഭയില് കയറും. പ്രതിപക്ഷ സീറ്റില് നിന്ന് മാറ്റിയില്ലെങ്കില് തറയില് ഇരിക്കും. സ്പീക്കര് സ്വതന്ത്ര ബ്ലോക്ക് തരണം. സ്വതന്ത്ര ബ്ലോക്ക് തരണമെന്ന് സ്പീക്കര്ക്ക് കത്ത് നല്കും’; പി വി അന്വര് പറഞ്ഞു.
സഭയില് നടക്കുന്നത് കയ്യാങ്കളിയാണെന്നും ചര്ച്ചയല്ലെന്നും അന്വര് പറഞ്ഞു.
