ആന്ധ്രാപ്രദേശ് ഐടി, വ്യവസായ മന്ത്രി മേകപതി ഗൗതം റെഡ്ഡി(50) ഹൃദയാഘാതത്തെ തുടര്ന്ന് അന്തരിച്ചു. വീട്ടില് കുഴഞ്ഞുവീണ അദ്ദേഹത്തെ ഹൈദരാബാദ് അപ്പോളോ ആശുപത്രിയിലെത്തിച്ചെങ്കിലും രക്ഷിക്കാനായില്ല. നെല്ലൂര് ജില്ലയിലെ ആത്മകൂര് നിയമസഭാ മണ്ഡലത്തെ പ്രതിനിധീകരിച്ച് ആന്ധ്രപ്രദേശ് നിയമസഭയിലെ അംഗമായിരുന്നു ആദ്ദേഹം.
മുന് എംപി മേകപതി രാജ്മോഹന് റെഡ്ഡിയുടെ മകനാണ്. 1976 ഡിസംബര് 31-ന് നെല്ലൂര് മാരിപ്പാട് മണ്ഡലത്തിലെ ബ്രാഹ്മണപള്ളി ഗ്രാമത്തില് മേകപതി രാജമോഹന് റെഡ്ഡിയുടെയും മണിമഞ്ജരിയുടെയും മകനായാണ് റെഡ്ഡി ജനിച്ചത്. യുകെയിലെ മാഞ്ചസ്റ്റര് യൂണിവേഴ്സിറ്റിയില് ടെക്സ്റ്റൈല്സില് എംഎസ്സി ചെയ്തു. 2014-ലും പിന്നീട് 2019-ലും ആത്മകൂരില് നിന്ന് ആദ്യമായി എംഎല്എയായി.
2019ല് വൈഎസ്ആര്സിപി അധികാരത്തിലെത്തിയ ശേഷം മുഖ്യമന്ത്രി വൈഎസ് ജഗന് മോഹന് റെഡ്ഡിയുടെ നേതൃത്വത്തിലുള്ള ആന്ധ്രാപ്രദേശ് മന്ത്രിസഭയില് അദ്ദേഹം മന്ത്രിയായി. കെഎംസി ഇന്ഡസ്ട്രീസിന്റെ മാനേജിംഗ് ഡയറക്ടറായും പ്രവര്ത്തിച്ചു.
റെഡ്ഡിയുടെ വേര്പാടില് മുഖ്യമന്ത്രി വൈ.എസ്.ജഗന്മോഹന് റെഡ്ഡി അനുശോചനം രേഖപ്പെടുത്തി.
