സംവിധായകന് വിനയന്റെ മകന് വിഷ്ണു വിനയ് സംവിധാനം ചെയ്യുന്ന ‘ആനന്ദ് ശ്രീബാല ‘ നവംബര് പതിനഞ്ചിനു തീയേറ്ററുകളില് എത്തും. മാളികപ്പുറം, 2018 എന്നി ചിത്രങ്ങളുടെ വന് വിജയത്തിന് ശേഷം കാവ്യ ഫിലിം കമ്പനിയും ആന് മെഗാ മീഡിയയും ചേര്ന്ന് പ്രേക്ഷകര്ക്ക് മുന്നിലെത്തിക്കുന്ന ചിത്രത്തില് അര്ജുന് അശോകനും അപര്ണ്ണ ദാസും പ്രധാന വേഷങ്ങളില് എത്തുന്നു. ‘മാളികപ്പുറം’ എന്ന മെഗാ ഹിറ്റിനു തിരക്കഥയൊരുക്കിയ അഭിലാഷ് പിള്ളയാണ് രചന നിര്വഹിക്കുന്നത്.
കേരളത്തില് നടന്ന ഒരു യഥാര്ഥ സംഭവത്തെ അടിസ്ഥാനമാക്കിയാണ് ചിത്രം ഒരുങ്ങുന്നത്. പ്രിയ വേണു, നീതാ പിന്റോ എന്നിവര് ചേര്ന്നാണ് ചിത്രം നിര്മിക്കുന്നത്.കുറച്ചു ദിവസങ്ങള്ക്കു മുന്പ് പുറത്തിറങ്ങിയ ചിത്രത്തിന്റെ ടീസറിനു മികച്ച പ്രതികരണമാണ് ലഭിച്ചത്. ചിന്താവിഷ്ടയായ ശ്യാമള എന്ന സിനിമയിലൂടെ പ്രേക്ഷകരുടെ പ്രിയങ്കരിയായി മാറിയ സംഗീത ഏറെനാളുകള്ക്കുശേഷം ഒരു മലയാളം സിനിമയില് മുഴുനീള വേഷത്തിലെത്തുന്നു എന്ന പ്രത്യേകതയും ആനന്ദ് ശ്രീബാലക്കുണ്ട്.
സൈജു കുറുപ്പ്, ധ്യാന് ശ്രീനിവാസന്, അജു വര്ഗീസ്, ഇന്ദ്രന്സ്, സംഗീത, മനോജ് കെ യു, ശിവദ, അസീസ് നെടുമങ്ങാട്, കോട്ടയം നസീര്, നന്ദു, മാളവിക മനോജ് എന്നിവരാണ് ചിത്രത്തില് മറ്റുള്ള പ്രധാന വേഷങ്ങളില് എത്തുന്നത്. രഞ്ജിന് രാജാണ് സംഗീതം ഒരുക്കുന്നത്. വിഷ്ണു നാരായണന് ഛായാഗ്രഹണം നിര്വഹിക്കുന്നു. കിരണ് ദാസാണ് എഡിറ്റര്. ലൈന് പ്രൊഡ്യൂസഴ്സ്- ഗോപകുമാര് ജി കെ, സുനില് സിംഗ്, പ്രൊഡക്ഷന് കണ്ട്രോളര് – ഷാജി പട്ടിക്കര, ചീഫ് അസ്സോസിയേറ്റ് ഡയറക്ടര്- ബിനു ജി നായര്, ഡിസൈന് – ഓള്ഡ് മോങ്ക്സ്, സ്റ്റീല്സ്- ലെബിസണ് ഗോപി, ടീസര് കട്ട്- അനന്ദു ഷെജി അജിത്,പി ആര് ആന്ഡ് മാര്ക്കറ്റിംഗ് – വൈശാഖ് വടക്കേവീട്, ജിനു അനില്കുമാര്.
