2022 ഡിസംബര് 31 വരെ സാമൂഹ്യ സുരക്ഷാ/ ക്ഷേമനിധി ബോര്ഡു പെന്ഷന് അനുവദിക്കപ്പെട്ട എല്ലാ ഗുണഭോക്താക്കളും 2023 ഏപ്രില് ഒന്നു മുതല് ജൂണ് 30 വരെയുള്ള കാലയളവിനുള്ളില് അക്ഷയ കേന്ദ്രങ്ങള് വഴി ബയോമെട്രിക് മസ്റ്ററിംഗ് നടത്തണം.
ശാരീരിക / മാനസിക വെല്ലുവിളി നേരിടുന്നവര്, കിടപ്പു രോഗികള്, വൃദ്ധ ജനങ്ങള് എന്നിങ്ങനെ അക്ഷയ കേന്ദ്രങ്ങളില് എത്തിച്ചേരാന് കഴിയാത്തവര് വിവരം അക്ഷയ കേന്ദ്രങ്ങളില് അറിയിക്കണം. അക്ഷയ കേന്ദ്രം പ്രതിനിധി പ്രസ്തുത ഗുഭോക്താക്കളുടെ വീട്ടിലെത്തി മസ്റ്ററിംഗ് നടത്തും. ആധാര് ഇല്ലാതെ സാമൂഹ്യ സുരക്ഷാ പെന്ഷന് അനുവദിക്കപ്പെട്ട 85 വയസു കഴിഞ്ഞവര്, 80 ശതമാനത്തിലധികം ശാരീരിക വൈകല്യമുള്ളവര്, സ്ഥിരമായി രോഗശയ്യയിലുള്ളവര്, ആധാര് ഇല്ലാതെ പെന്ഷന് അനുവദിക്കപ്പെട്ട ക്ഷേമനിധി ബോര്ഡ് ഗുണഭോക്താക്കള്, ബയോമെട്രിക് മസ്റ്ററിംഗ് പരാജയപ്പെടുന്നവര് എന്നിവര് ബന്ധപ്പെട്ട പ്രാദേശിക സര്ക്കാരുകളില്/ ക്ഷേമനിധി ബോര്ഡുകളില് ലൈഫ് സര്ട്ടിഫിക്കറ്റ് സമര്പ്പിച്ച് മസ്റ്ററിംഗ് പൂര്ത്തിയാക്കണം. 2024 മുതല് എല്ലാ വര്ഷവും ജനുവരി ഒന്നു മുതല് ഫെബ്രുവരി 28/ 29 നകം തൊട്ടു മുന്പുള്ള വര്ഷം ഡിസംബര് 31 വരെ പെന്ഷന് അനുവദിക്കപ്പെട്ട ഗുണഭോക്താക്കള് അക്ഷയ കേന്ദ്രങ്ങള് വഴി ബയോമെട്രിക് മസ്റ്ററിംഗ് നടത്തേണ്ടതാണ്. നിശ്ചിത സമയപരിധിക്കുള്ളില് മസ്റ്ററിംഗ് പൂര്ത്തിയാക്കിയവര്ക്കു മാത്രമേ തുടര്ന്നും പെന്ഷന് ലഭിക്കുകയൂള്ളൂ.
നിശ്ചിത സമയപരിധിക്കുള്ളില് മസ്റ്ററിംഗ് പൂര്ത്തീകരിക്കാത്തവര്ക്ക് തുടര്ന്ന് എല്ലാ മാസവും ഒന്നു മുതല് 20 വരെ മസ്റ്ററിംഗ് നടത്താം. എന്നാല് അവര്ക്ക് മസ്റ്ററിംഗിന് അനുവദിച്ച കാലയളവുവരെയുള്ള പെന്ഷന് ലഭിക്കുന്നതിന് അര്ഹതയുണ്ടായിരിക്കുന്നതും തുടര്ന്ന് മസ്റ്ററിംഗ് നടത്തിയ മാസം മുതല്ക്കുള്ള പെന്ഷന് മാത്രമേ ലഭിക്കുകയുമുള്ളൂ. മസ്റ്ററിംഗ് ചെയ്യാത്ത കാലയളവിലെ പെന്ഷന് അര്ഹതിയുണ്ടായിരിക്കുന്നതല്ല. മസ്റ്റര് ചെയ്തവര്ക്ക് മാത്രമേ മസ്റ്ററിംഗിനുള്ള നിശ്ചിത കാലാവധിക്കു ശേഷം പെന്ഷന് വിതരണം നടത്തുകയുള്ളൂ. യഥാസമയം മസ്റ്റര് ചെയ്യാത്തതിനാല് കുടിശ്ശികയാകുന്ന പെന്ഷന് തുക കുടിശ്ശികയ്ക്കായി പണം അനുവദിക്കുമ്പോള് മാത്രമേ വിതരണം ചെയ്യുകയുള്ളൂ.
അക്ഷയ കേന്ദ്രങ്ങളിലെത്തി മസ്റ്റര് ചെയ്യുന്നതിന് 30 രൂപയും ഗുണഭോക്താക്കളുടെ വീടുകളില് പോയി മസ്റ്റര് ചെയ്യുന്നതിനായി 50 രൂപയും ഗുണഭോക്താവ് അക്ഷയ കേന്ദ്രത്തിന് ഫീസായി നല്കണം.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
