ഗുജറാത്തിലെ അഹമ്മദാബാദില് എയര് ഇന്ത്യ വിമാനം തകര്ന്നുവീണുണ്ടായ അപകടത്തില് വിമാനത്തിലുണ്ടായിരുന്ന മുഴുവന് യാത്രക്കാരും മരിച്ചു. 242 പേരുമായി ലണ്ടനിലേക്കു പോവുകയായിരുന്ന എഐ171 ബോയിങ് 787-8 ഡ്രീംലൈനര് വിമാനമാണ് ടേക് ഓഫിനു തൊട്ടു പിന്നാലെ വിമാനത്താവളത്തിനു സമീപത്തെ ജനവാസ മേഖലയില് തകര്ന്നുവീണത്.
ലണ്ടനിലേക്കുള്ള എയര് ഇന്ത്യയുടെ വിമാനത്തില് 230 യാത്രക്കാരും 12 ജീവനക്കാരുമായിരുന്നു ഉണ്ടായിരുന്നത്. ടേക്ക് ഓഫ് ചെയ്ത് നിമിഷങ്ങള്ക്കകമായിരുന്നു അപകടം.
അഹമ്മദാബാദില് തകര്ന്നുവീണ വിമാനത്തില് ഇന്ത്യക്കാര്ക്ക് പുറമെ നിരവധി വിദേശി യാത്രക്കാരും. ഗുജറാത്ത് മുന്മുഖ്യമന്ത്രി വിജയ് രൂപാണി അടക്കം മൊത്തം 169 ഇന്ത്യന് പൗരന്മാണ് പട്ടികയില് ഉള്ളത്. യാത്രക്കാരില് 1 മലയാളിയും 53 ബ്രിട്ടീഷ് പൗരന്മാരും ഏഴ് പോര്ച്ചുഗീസ് പൗരന്മാരും ഒരു കനേഡിയന് പൗരനുമുണ്ടായിരുന്നതായി എയര് ഇന്ത്യ പ്രസ്താവനയില് അറിയിച്ചു. പത്തനംതിട്ട പുല്ലാട്ട് സ്വദേശി രഞ്ജിത ഗോപകുമാരന് നായര് ആണ് മരിച്ചത്. ബ്രിട്ടനില് നഴ്സായി ജോലി ചെയ്യുകയാണ് രഞ്ജിത. മൂന്ന് ദിവസത്തെ അവധിക്ക് നാട്ടില് വന്നതിന് ശേഷം ലണ്ടനിലേയ്ക്ക് മടങ്ങുകയായിരുന്നു രഞ്ജിത. ഇന്നലെയാണ് പത്തനംതിട്ടയില് നിന്നും ഇവര് ലണ്ടനിലേയ്ക്ക് മടങ്ങിയത്.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ഈ
ലിങ്കില് ക്ലിക്ക് ചെയ്യു
