നാഗ്പൂര്: ലക്ഷക്കണക്കിന് കര്ഷകരുടെ പ്രതിഷേധത്തെ തുടര്ന്ന് പിന്വലിച്ച കാര്ഷിക നിയമങ്ങള് വീണ്ടും കൊണ്ടുവരുമെന്ന സൂചന നല്കി കേന്ദ്ര കൃഷിമന്ത്രി നരേന്ദ്ര സിങ് തോമര്. മഹാരാഷ്ട്രയിലെ ഒരു ചടങ്ങിലാണ് മന്ത്രി ഇക്കാര്യം വ്യക്തമാക്കിയത്.
Will farm laws make a come-back??? Union agri minister Narendra Tomar @nstomar drops hint during the inauguration of Agro Vision Expo in Nagpur on Friday. @ndtv pic.twitter.com/HDvateXQ6h
— Mohammad Ghazali (@ghazalimohammad) December 25, 2021
കാര്ഷിക നിയമങ്ങള് പിന്വലിച്ചതില് സര്ക്കാരിന് നിരാശയില്ലെന്നും മുന്നോട്ട് പോകുമെന്നും കേന്ദ്ര കൃഷിമന്ത്രി നരേന്ദ്ര സിംഗ് തോമര്. ഉചിതമായസമയത്ത് തീരുമാനമെടുക്കും. നിയമങ്ങള് പിന്വലിച്ചതില് സര്ക്കാരിന് നിരാശയില്ല. തല്ക്കാലം ഒരടി പിന്നോട്ട് വച്ചു. വീണ്ടും മുന്പോട്ട് വരുമെന്നും നരേന്ദ്ര സിംഗ് തോമര് കൂട്ടിച്ചേര്ത്തു.
‘ഞങ്ങള് കാര്ഷിക ഭേദഗതി നിയമങ്ങള് കൊണ്ടുവന്നു. പക്ഷെ, ചില ആളുകള്ക്ക് ആ നിയമങ്ങള് ഇഷ്ടമായില്ല. സ്വാതന്ത്ര്യം ലഭിച്ച് 70 വര്ഷങ്ങള്ക്കു ശേഷം, പ്രധാനമന്ത്രി നരേന്ദ്ര മോദിയുടെ നേതൃത്വത്തില് കൊണ്ടുവന്ന വന് പരിഷ്കാരമായിരുന്നു അവ, തോമര് പറഞ്ഞു.
എന്നാല് സര്ക്കാരിന് നിരാശയില്ല. ഞങ്ങള് ഒരു ചുവടു പിന്നോട്ടുവെച്ചു. പക്ഷെ ഞങ്ങള് വീണ്ടും മുന്നോട്ടുപോകും, കാരണം കര്ഷകരാണ് ഇന്ത്യയുടെ നട്ടെല്ല്’- നരേന്ദ്ര സിംഗ് തോമര് കൂട്ടിച്ചേര്ത്തു.
