‘സൂപ്പര് ശരണ്യ’ക്ക് ശേഷം അര്ജുന് അശോകനും അനശ്വര രാജനും മമിത ബൈജുവും വീണ്ടും ഒന്നിക്കുന്ന ‘പ്രണയ വിലാസം’ ഫെബ്രുവരി 17 ന് ചിത്രം തിയറ്ററുകളില് എത്തും. റിലീസ് വിവരം പങ്കുവച്ചു കൊണ്ടുള്ള പുതിയ പോസ്റ്ററും അണിയറ പ്രവര്ത്തകര് പുറത്തുവിട്ടു. നിഖില് മുരളിയാണ് ചിത്രത്തിന്റെ സംവിധാനം. ജ്യോതിഷ് എം, സുനു എന്നിവര് ചേര്ന്നാണ് ചിത്രത്തിന്റെ തിരക്കഥ എഴുതുന്നത്.
‘സൂപ്പര് ശരണ്യ’യിലെ പ്രധാനപ്പെട്ട കഥാപാത്രത്തെ അവതരിപ്പിച്ച മമിതയും ചിത്രത്തിലുണ്ട്. മിയ, ഹക്കിം ഷാ, മനോജ് കെ യു എന്നിവരാണ് മറ്റ് അഭിനേതാക്കള്. ഷിനോസ് ആണ് ചിത്രത്തിന്റെ ഛായാഗ്രാഹണം. ഷാന് റഹ്മാന് ചിത്രത്തിന്റെ സംഗീത സംവിധാനം നിര്വഹിക്കുന്നു.
സിബി ചവറ, രഞ്ജിത്ത് നായര് എന്നിവര് ചേര്ന്നാണ് നിര്മാണം. അര്ജുന് അശോകന് നായകനാകുന്ന പുതിയ ചിത്രത്തിന്റെ കലാ സംവിധാനം രാജേഷ് പി വേലായുധന് ആണ്. ഗാനരചന സുഹൈല് കോയ, മനു മഞ്ജിത്ത്, വിനായക് ശശികുമാര്. പ്രൊഡക്ഷന് കണ്ട്രോളര് ഷബീര് ആണ്. ചിത്രസംയോജനം ബിനു നെപ്പോളളിയന് ആണ്. കളറിസ്റ്റ് ലിജു പ്രഭാകര്. മേക്ക് അപ്പ് റോണക്സ് സേവ്യര്.
കോളേജ്-റൊമാന്റിക് ചിത്രമാണ് സൂപ്പര് ശരണ്യ. സജിത്ത് പുരുഷന് ചിത്രത്തിന്റെ ഛായാഗ്രാഹണം നിര്വഹിക്കുന്നു. ആകാശ് ജോസഫ് വര്ഗീസാണ് ചിത്രത്തിന്റെ ചിത്രസംയോജനം നിര്വഹിക്കുന്നത്. ഗിരിഷ് എ ഡി ചിത്രത്തിന്റെ നിര്മാണത്തിലും പങ്കാളിയാകുന്നു. പ്രൊഡക്ഷന് കണ്ട്രോളര്: അലക്സ് ജസ്റ്റിന് വര്ഗ്ഗീസാണ് ചിത്രത്തിന്റെ സംഗീത സംവിധായകന്. ‘തണ്ണീര് മത്തന് ദിനങ്ങള്’ എന്ന ചിത്രത്തിന് ശേഷം ഗിരീഷ് എ.ഡി സംവിധാനം ചെയ്ത ചിത്രം കൂടിയാണിത്.
