കൊച്ചി: അടൂര്, ഹേമ കമ്മിറ്റി റിപ്പോര്ട്ടുകളുടെ അടിസ്ഥാനത്തില് പുതിയ നിയമം ഉടനെന്ന് മന്ത്രി സജി ചെറിയാന്. ഹേമ കമ്മിഷന്, അടൂര് ഗോപാലകൃഷ്ണന് കമ്മിറ്റി എന്നിവയുടെ നിര്ദേശങ്ങള് ഉള്ക്കൊണ്ടുകൊണ്ട്
പുതിയ നിയമത്തിന്റെ കരട് തയ്യാറെന്നും നിയമം എത്രയും വേഗം നടപ്പാക്കാനാണ് ആലോചിക്കുന്നതെന്നും മന്ത്രി പറഞ്ഞു.
കൊച്ചിയില് ചലച്ചിത്ര മ്യൂസിയം സ്ഥാപിക്കും. ഇതിനായി കൊച്ചി നഗരസഭ അഞ്ച് ഏക്കര് കണ്ടെത്തണം. പിണറായി സര്ക്കാരിന്റെ ഇനിയുള്ള കാലയളവിലും കൊച്ചിയില് ചലച്ചിത്രോത്സവം സംഘടിപ്പിക്കുമെന്നും മന്ത്രി പറഞ്ഞു.
ചലച്ചിത്ര മേഖലയിലെ സ്ത്രീകളുടെ തൊഴില് സാഹചര്യങ്ങളുമായി ബന്ധപ്പെട്ട വിഷയങ്ങളെ കുറിച്ച് പഠിച്ച് പരിഹാരം നിര്ദേശിക്കാനാണ് സംസ്ഥാന സര്ക്കാര് നിയോഗിച്ച ജസ്റ്റിസ് ഹേമ കമ്മിറ്റിയെ നിയോഗിച്ചത്. ഹേമാ കമ്മിറ്റി റിപ്പോര്ട്ട് പുറത്ത് വിടാത്തതിനെതിരെ നടി പാര്വതി തിരുവോത്ത് വിമര്ശനം ഉന്നയിച്ചിരുന്നു.
