കാബൂള്: അഫ്ഗാന് ചലച്ചിത്ര താരം നടി തുനിഷ ശര്മ്മ (20) ജീവനൊടുക്കിയ നിലയില്. സീരിയല് സെറ്റിലെ മേക്കപ്പ് റൂമിലെ ഫാനില് തൂങ്ങി മരിച്ച നിലയിലാണ് കണ്ടെത്തിയത്. ഷൂട്ടിംഗിനിടെ മേക്കപ് റൂമിലേക്ക് പോയ താരത്തെ കാണാതായതോടെ തിരഞ്ഞെത്തിയ അണിയറ പ്രവര്ത്തകരാണ് തുനിഷയെ തൂങ്ങി മരിച്ച നിലയില് കണ്ടെത്തിയത്. ഉടന്തന്നെ താരത്തെ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. സംഭവത്തില് വാലിവ് പൊലീസ് കേസെടുത്തിട്ടുണ്ട്.
തുനിഷയുടെ മൃതദേഹം കാബൂളിലെ ആശുപത്രിയില് സൂക്ഷിച്ചിരിക്കുകയാണ്. പോസ്റ്റുമോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുകൊടുക്കും. നൈഗാവിലെ രാംദേവ് സ്റ്റുഡിയോയില് ഒരു സീരിയലിന്റെ ഷൂട്ടിംഗ് നടക്കുന്നതിനിടെയാണ് ദാരുണമായ സംഭവം. ഫ്രഷ് ആയിവരാമെന്ന് പറഞ്ഞ് ഷൂട്ടിംഗ് ലൊക്കേഷനില് നിന്ന് പോയ നടിയെ കാണാതായതോടെ അണിയറപ്രവര്ത്തകര് അന്വേഷിച്ചെത്തുകയായിരുന്നു.
ആത്മഹത്യ കുറിപ്പുകളൊന്നും കണ്ടെത്തിയിട്ടില്ലെന്നും സഹതാരങ്ങളെ ചോദ്യം ചെയ്തു വരികയാണെന്നും പൊലീസ് അറിയിച്ചു.
ഭാരത് കാ വീര് പുത്ര – മഹാറാണ പ്രതാപ് എന്ന ചരിത്ര ഷോയിലൂടെയാണ് 20 കാരിയായ നടി തന്റെ കരിയര് ആരംഭിച്ചത്. ചക്രവര്ത്തിന് അശോക സാമ്രാട്ട്, ഗബ്ബര് പൂഞ്ച്വാല, ഷേര്-ഇ-പഞ്ചാബ്: മഹാരാജ രഞ്ജിത് സിംഗ്, ഇന്റര്നെറ്റ് വാലാ ലവ്, ഇഷ്ക് സുബ്ഹാന് അല്ലാ തുടങ്ങിയ ഷോകളുടെ ഭാഗമായിരുന്നു തുനിഷി. ഫിത്തൂര്, ബാര് ബാര് ദേഖോ, കഹാനി 2: ദുര്ഗാ റാണി സിംഗ്, ദബാംഗ് 3 തുടങ്ങിയ ബോളിവുഡ് ചിത്രങ്ങളിലും തുനിഷി അഭിനയിച്ചിട്ടുണ്ട്.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
