തൃശൂര്: മുതിര്ന്ന ചലച്ചിത്രനടന് രവികുമാര് അന്തരിച്ചു. 71 വയസ്സായിരുന്നു. അര്ബുദരോഗത്തെ തുടര്ന്ന് ഇന്ന് രാവിലെ 10.30 ന് ചെന്നൈയിലായിരുന്നു അന്ത്യം. തൃശൂര് സ്വദേശിയാണ് രവികുമാര്.
നൂറിലേറെ മലയാള ചലച്ചിത്രങ്ങളിലും നിരവധി തമിഴ് ചിത്രങ്ങളിലും ടെലിവിഷന് പരമ്പരകളിലും അഭിനയിച്ചിട്ടുണ്ട് രവികുമാര്.
1967 ല് ഇന്ദുലേഖ എന്ന ചിത്രത്തിലൂടെയായിരുന്നു സിമിയിലേക്കുള്ള അരങ്ങേറ്റം. തുടര്ന്ന് 1970 കളിലും 80 കളിലും നായക, വില്ലന് വേഷങ്ങള് കൈകാര്യം ചെയ്താണ് രവികുമാര് ശ്രദ്ധേയനാകുന്നത്. മധുവിനെ നായകനാക്കി എം കൃഷ്ണന് നായര് സംവിധാനം ചെയ്ത് 1976-ല് റിലീസ് ചെയ്ത ‘അമ്മ’ എന്ന ചിത്രമാണ് രവികുമാറിനെ മലയാളത്തില് ശ്രദ്ധേയനാക്കിയത്. പ്രശസ്ത സംഗീത സംവിധായകനായ രവീന്ദ്രനാണ് രവികുമാറിനായി സ്ഥിരം ഡബ്ബ് ചെയ്തിരുന്നത്. ശ്രീനിവാസ കല്യാണം (1981), ദശാവതാരം (1976) തുടങ്ങിയ സിനിമകളിലൂടെ അദ്ദേഹം തമിഴകത്തും തന്റെ മികവ് തെളിയിച്ചു. ലിസ, അവളുടെ രാവുകള്, അങ്ങാടി, സര്പ്പം, അനുപല്ലി എന്നിവ പ്രധാനപ്പെട്ട ചിത്രങ്ങളാണ്. ആറാട്ട്, സിബിഐ 5 എന്നീ സിനിമകളിലാണ് അദ്ദേഹം അവസാനമായി അഭിനയിച്ചത്.
തൃശൂര് സ്വദേശികളായ കെ കെ മേനോന്റെയും ആര് ഭാരതിയുടെയും മകനായി ചെന്നൈയിലാണ് ജനിച്ചത്.
