കൊച്ചി:നടന് ദിലീപ് ശബരിമലയില് വിഐപി പരിഗണനയില് ദര്ശനം നടത്തിയ സംഭവത്തില് ഇടപെട്ട് ഹൈക്കോടതി. വിഷയം ചെറുതായി കാണാനാകില്ലെന്ന് കോടതി, ദേവസ്വം ബോര്ഡിനോട് വിശദീകരണം തേടി. ദിലിപ് ദര്ശനം നടത്തുന്ന സിസിടിവി ദൃശ്യങ്ങള് ഹാജരാക്കാനും കോടതി നിര്ദേശിച്ചു.
ഇന്നലെയാണ് നടന് ദിലീപ് ശബരിമലയില് ദര്ശനം നടത്തിയത്. വ്യാഴാഴ്ച നടയടക്കുന്നതിന് തൊട്ടുമുന്പാണ് ദിലീപ് ദര്ശനം നടത്തിയത്. ഹരിവരാസനം കീര്ത്തനം പൂര്ത്തിയായി നടയടച്ച ശേഷമാണ് ദിലീപ് മടങ്ങിയത്. കഴിഞ്ഞ വര്ഷങ്ങളിലും നടന് ശബരിമല ദര്ശനം നടത്തിയിരുന്നു. ദിലീപിന് വിഐപി പരിഗണന ലഭിച്ചോ എന്നാണ് ഹൈക്കോടതി ഇപ്പോള് പരിശോധിക്കുന്നത്. ദീലിപ് ക്യൂ ഒഴിവാക്കി പോലീസുകാര്ക്കൊപ്പം ദര്ശനത്തിനായി എത്തുന്ന ദൃശ്യങ്ങള് പുറത്തുവന്നിരുന്നു.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
