മലപ്പുറം : മഞ്ചേരി മെഡിക്കല് കോളേജില് കോവിഡ് പരിശോധനക്ക് കൊണ്ടുവന്ന പ്രതികള് രക്ഷപ്പെട്ടു.
വാഴക്കാട് പോലീസ് സ്റ്റേഷനില് രജിസ്റ്റര് ചെയ്ത പ്രതികളായ എടവണ്ണപ്പാറ ഓമാനൂര് സ്വദേശി മെഹബൂബ്(22), കോഴിക്കോട് കല്ലായി സ്വദേശി റംഷാദ്(19) എന്നിവരാണ് രക്ഷപ്പെട്ടത് .
ഇന്നലെ രാത്രിയാണ് സംഭവം ഇപ്പോള് ജയില് ഡിഐജി ഋഷിരാജ് സിങ്ങിന്റെ പ്രത്യേക ഉത്തരവ് പ്രകാരം കോവിഡ് പരിശോധന പൂര്ത്തിയാക്കിയിട്ടേ റിമാന്റ് പ്രതികളെ ജയിലില് എടുക്കുകയൊള്ളു. ഇതിനായി ആണ് ഈ പ്രതികളെ മഞ്ചേരി ആശുപത്രിയില് എത്തിച്ചത്. ആദ്യം പ്രതികളെ മഞ്ചേരി മെഡിക്കല് കോളേജിലെ സ്പെഷ്യല് സബ്ജയിലില് പ്രവേശിപ്പിച്ച ശേഷം കോവിഡ് പരിശോധനാ ഫലം നെഗറ്റീവ് ആണെങ്ങില് മാത്രമെ മറ്റ് ജയിലുകളിലേക്ക് മാറ്റുകയൊള്ളു. ഇവിടെ വെച്ചാണ് പ്രതികള് ചാടിപ്പോയത്.
പോലീസ് പ്രതികള്ക്കായുള്ള അന്വേഷണം ഊര്ജ്ജിതമാക്കി.
വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
