പത്തനംതിട്ട: പത്തനംതിട്ടയില് കൂടല്മുറിഞ്ഞകല്ലില് ശബരിമല തീര്ത്ഥാടകര് സഞ്ചരിച്ച ബസും കാറും കൂട്ടിയിടിച്ച് അപകടം. വാഹനാപകടത്തില് 4 മരണം. പുനലൂര് മൂവാറ്റുപുഴ സംസ്ഥാന പാതയിലാണ് അപകടം. കാറിലുണ്ടായിരുന്ന മല്ലശ്ശേരി സ്വദേശികളായ മത്തായി ഈപ്പന്, അനു, നിഖില്, ബിജു പി ജോര്ജ് എന്നിവരാണ് മരിച്ചത്. പുലര്ച്ചെ 5 മണിയോടെയാണ് അപകടമുണ്ടായത്. അനുവും നിഖിലും ദവദമ്പതികളാണ്. അനുവിന്റെയും നിഖിലിന്റെയും പിതാക്കന്മാരാണ് മരിച്ച മറ്റു രണ്ടുപേര്.
ആന്ധ്രാ സ്വദേശികളായ തീര്ത്ഥാടകരുടെ ബസുമായി കൂട്ടിയിടിക്കുകയായിരുന്നു. അപകടത്തില് മാരുതി സ്വിഫ്റ്റ് കാര് പൂര്ണ്ണമായും തകര്ന്നു. കാര് വെട്ടിപ്പൊളിച്ചാണ് കാര് യാത്രക്കാരെ പുറത്തെടുത്തത്. കാറിലുണ്ടായിരുന്ന 3 പേര് സംഭവസ്ഥലത്ത് തന്നെ വെച്ച് മരിച്ചു. നാട്ടുകാര് എത്തിയാണ് രക്ഷാപ്രവര്ത്തനം നടത്തിയത്.
കാര് ബസിനുള്ളിലേക്ക് ഇടിച്ചു കയറിയ നിലയിലുണ്ടായിരുന്നത്. പൊലീസും ഫയര്ഫോഴ്സും സംഭവസ്ഥലത്തെത്തിയിട്ടുണ്ട്. അപകടകാരണത്തെക്കുറിച്ച് പൊലീസ് അന്വേഷിച്ചുകൊണ്ടിരിക്കുകയാണ്. പത്തനംതിട്ട എസ്പി സംഭവ സ്ഥലത്ത് എത്തി.
മലബാറി ന്യൂസ് വാട്സ്ആപ്പ് ഗ്രൂപ്പില് അംഗമാവാന് ലിങ്കില് ക്ലിക്ക് ചെയ്യു
