HIGHLIGHTS : 2 people were arrested while trying to marry off a 12-year-old girl to a 72-year-old man
പന്ത്രണ്ടുവയസുള്ള പെണ്‍കുട്ടിയെ നിര്‍ബന്ധിച്ച് 72-കാരന് വിവാഹം ചെയ്തുകൊടുക്കാനുള്ള ശ്രമത്തിനിടെ രണ്ട് പേരെ പോലീസ് അറസ്റ്റു ചെയ്തു. പാകിസ്താനിലെ ചര്‍സദ്ദ ടൗണിലാണ് ഈ സംഭവം. പെണ്‍കുട്ടിയെ വിവാഹം ചെയ്യാനെത്തിയ 72-കാരനായ ഹബീബ് ഖാനും നിക്കാഹ് നടത്താനെത്തിയ പുരോഹിതനേയുമാണ് പൊലീസ് അറസ്റ്റ് ചെയ്തത്. പെണ്‍കുട്ടിയെ നിര്‍ബന്ധിച്ച് വിവാഹം കഴിപ്പിക്കാന്‍ ശ്രമിക്കുകയായിരുന്നു.
അഞ്ച് ലക്ഷം പാകിസ്താനി രൂപവാങ്ങി ആലം സയെദ് എന്നയാളാണ് 12-കാരിയായ മകളെ 72കാരന് വിവാഹം ചെയ്ത് നല്‍കാന്‍ ശ്രമം നടത്തിയത്. പെണ്‍കുട്ടിയുടെ പിതാവിനെതിരെ പൊലീസ് കേസെടുത്തിട്ടുണ്ട്. ഇയാളെ പിടികൂടാന്‍ പോലീസിന് സാധിച്ചിട്ടില്ലെന്നാണ് റിപ്പോര്‍ട്ട്.
ശൈശവ വിവാഹം നിരോധിക്കുന്ന നിയമങ്ങള്‍ നിലവിലുണ്ടെങ്കിലും പാക്കിസ്താന്റെ വിവിധ ഭാഗങ്ങളില്‍ ഇത്തരം സംഭവങ്ങള്‍ തുടരുന്നുണ്ടെന്നാണ് റിപ്പോര്‍ട്ട്.
മലബാറി ന്യൂസ് വാട്‌സ്ആപ്പ് ഗ്രൂപ്പില്‍ അംഗമാവാന്‍ ലിങ്കില്‍ ക്ലിക്ക് ചെയ്യു
