ഇടുക്കി : ഇടുക്കി ജില്ലയില് ഇന്ന് കോണ്ഗ്രസ് ഹര്ത്താല് പ്രഖ്യാപിച്ച സാഹചര്യത്തില് പരീക്ഷകള് മാറ്റിവച്ചു. രാവിലെ ആറ് മുതല് വൈകിട്ട് 6 വരെയാണ് ഹര്ത്താല്. ജില്ലയിലെ എല്പി, യുപി, എച്ച് എസ് ക്ലാസുകളിലെ പരീക്ഷകള് മാറ്റിയതായി പൊതു വിദ്യാഭ്യാസ ഡയറക്ടര് അറിയിച്ചു. മാറ്റിവെച്ച പരീക്ഷ ഈ മാസം 25 ന് നടത്താനാണ് നിര്ദ്ദേശം. എന്നാല് പിഎസ്സി പരീക്ഷകള്ക്ക് മാറ്റമില്ല.
1964 ലെയും 93 ലെയും ഭൂമി പതിവ് ചട്ടം ഭേദഗതി ചെയ്യുക, 13 പഞ്ചായത്തുകളില് ഏര്പ്പെടുത്തിയിരിക്കുന്ന നിര്മ്മാണ നിയന്ത്രണം പിന് വലിക്കുക, പട്ടയ നടപടികള് പുനരാരംഭിക്കുക, വന്യമൃഗ ശല്യത്തില് നിന്നും കര്ഷകരെ രക്ഷിക്കാന് നടപടി സ്വീകരിക്കുക തുടങ്ങി വിവിധ ആവശ്യങ്ങള് ഉന്നയിച്ചാണ് ഹര്ത്താല്.
വൈകിട്ട് ആറു വരെയാണ് ഹര്ത്താല്. വിവിധ സ്ഥലങ്ങളില് പ്രകടനവും നടത്തും.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
