തിരുവനന്തപുരം: കണ്ണൂരിലെ മുഴപ്പിലങ്ങാട് തെരുവു നായ്ക്കളുടെ ആക്രമണത്തെത്തുടര്ന്ന് മരണപ്പെട്ട നിഹാലിന്റെ കുടുംബത്തിന് മുഖ്യമന്ത്രിയുടെ ദുരിതാശ്വാസ നിധിയില് നിന്ന് 10 ലക്ഷം രൂപ അനുവദിക്കാന് തീരുമാനിച്ചു.
ഈ മാസം 11നാണ് നിഹാല് തെരുവുനായ ആക്രമണത്തില് മരണപ്പെട്ടത്.
ആളൊഴിഞ്ഞ വീട്ടുമുറ്റത്ത് കളിക്കാനെത്തിയപ്പോഴാണ് ഭിന്നശേഷിക്കാരനായ, സംസാരശേഷിയില്ലാത്ത നിഹാലിനെ ഒരു കൂട്ടം തെരുവ് നായ്ക്കള് ആക്രമിച്ചത്. വീട്ടില് നിന്നും കാണാതായ കുട്ടിയെ മണിക്കൂറുകളുടെ തെരച്ചിലിനൊടുവില് ദേഹമാസകലം കടിയേറ്റ നിലയില് നാട്ടുകാര് കണ്ടെത്തുകയായിരുന്നു. കുട്ടിയുടെ തല മുതല് കാല്പ്പാദം വരെ നിരവധി മുറിവുകളുണ്ടെന്നാണ് ഇന്ക്വസ്റ്റ് റിപ്പോര്ട്ടില് രേഖപ്പെടുത്തിയിരുന്നത്. കഴുത്തിന് പുറകിലും ചെവിക്ക് പുറകിലും ഇടത് കണ്ണിന് താഴെയും ആഴത്തില് മുറിവേറ്റിരുന്നു.
ഓട്ടിസം ബാധിച്ച നിഹാലിനെ സംഭവദിവസം വൈകുന്നേരം അഞ്ചു മണിയോടെയാണ് വീട്ടില് നിന്നും കാണാതായത്. നാട്ടുകാരും പൊലീസും ചേര്ന്ന് നടത്തിയ തിരച്ചിലില് അരക്കിലോമീറ്റര് അകലെയുള്ള ആളൊഴിഞ്ഞ പുരയിടത്തില് നിന്നും എട്ടരയോടെ ചലനമറ്റ നിലയില് കുട്ടിയെ കണ്ടെത്തുകയായിരുന്നു. ഉടന് തന്നെ തലശ്ശേരി ജനറല് ആശുപത്രിയിലെത്തിച്ചെങ്കിലും മരണം സ്ഥിരീകരിച്ചു.
മലബാറി ന്യൂസ് ഓണ്ലൈന് വാര്ത്തകള് വാട്സ്ആപ്പ് ഗ്രൂപ്പുകളിലും ലഭിക്കും. വാട്സ്ആപ്പ് ഗ്രൂപ്പില് അംഗമാവാന് ഇവിടെ ക്ലിക്ക് ചെയ്യു
