HIGHLIGHTS : പരപ്പനങ്ങാടി: പരപ്പനങ്ങാടിക്കനുവദിച്ച ഫിഷിംഗ് ഹാര്ബര് നഷ്ടപ്പെടുത്തരുതെന്നും. ടെക്നിക്കല് കമ്മിറ്റിയുടെ റിപ്പോര്ട്ട് അനുസരിച്ച് ഏറ്റവും അനുയോ...
പരപ്പനങ്ങാടി: പരപ്പനങ്ങാടിക്കനുവദിച്ച ഫിഷിംഗ് ഹാര്ബര് നഷ്ടപ്പെടുത്തരുതെന്നും. ടെക്നിക്കല് കമ്മിറ്റിയുടെ റിപ്പോര്ട്ട് അനുസരിച്ച് ഏറ്റവും അനുയോജ്യമായ സ്ഥലത്ത് ഉടന് നിര്മാണം ആരംഭിക്കണമെന്നും ആവശ്യപ്പെട്ട് ചൊവ്വാഴ്ച രാവിലെ 6 മണിമുതല് ഉച്ചയ്ക്ക് 2 മണിവരെ പരപ്പനങ്ങാടി മര്ച്ചന്റ്സ് അസോസിയേഷന് പരപ്പനങ്ങാടിയില് ഹര്ത്താല് ആചരിക്കും. ഹര്ത്താലിന് പരപ്പനങ്ങാടി പഞ്ചായത്ത് മോട്ടോര് തൊഴിലാളി യൂണിയനുകളും പിന്തുണ പ്രഖ്യാപിച്ചിട്ടുണ്ട്. ഹോട്ടലുകളും മെഡിക്കല് ഷോപ്പുകളുമടക്കം കടയടക്കുമെന്ന് അറിയിച്ചിട്ടുണ്ട്.
പരപ്പനങ്ങാടിയുടെ ഒരു പൊതു ആവശ്യം മുന്നിര്ത്തി വ്യാപാരി സമൂഹം നടത്തുന്ന ഈ സമരത്തില് ജനങ്ങള് പങ്കാളികളാകണമെന്നും വ്യാപാരി വ്യവസായി ഏകോപനസമിതി നേതാക്കള് ആവ്ശ്യപ്പെട്ടു.
ഹാര്ബറിന്റെ സ്ഥലം കണ്ടെത്തിയതു സംബന്ധിച്ച് പരപ്പനങ്ങാടിയിലെ പ്രമുഖ രാഷ്ട്രീയ പാര്ട്ടികളിലെ പ്രാദേശിക നേതൃത്വങ്ങളില് അഭിപ്രായവ്യത്യാസം നിലനില്കുന്നുണ്ട്.
കഴിഞ്ഞ സര്ക്കാറിന്റെ കാലത്ത് പ്രഖ്യാപിക്കപ്പെട്ട ഈ ഹാര്ബര് പരപ്പനങ്ങാടി കടപ്പുറത്ത് എവിടെ വരണമെന്ന കാര്യത്തില് വലിയ അഭിപ്രായ വ്യത്യാസമാണ് നിലന്ല്ക്കുന്നത്.
പരപ്പനങ്ങാടിയില് ഹാര്ബര് ഇല്ലാത്തതു കാരണം ഇപ്പോള് മത്സ്യതൊഴിലാളികള് പൊന്നാനിയെയും ചാലിയത്തെയുമാണ് മത്സ്യബന്ധനത്തിന് ആശ്രയിക്കുന്നത്.